ELN風險高　寧願買正股

【蘋果日報】ELN是一種以賺取高息的股票衍生工具，投資風險高。市面較常見的是看升ELN，投資者亦可自建股票組合，沽出認沽期權，務求股票於到期日的收市價等同或高於行使價，成功的話可賺取高息。ELN合約期一般介乎1至6個月，息率為年息8厘至40厘，視乎掛鈎股票的波動及風險。
中大經濟學系副教授莊太量指，投資ELN根本無着數，「假如你睇好騰訊就400蚊自己入市買佢升，但買ELN個股升無着數，跌咗又要賠返出嚟。」他形容投資ELN就像跟港股賭一鋪，不如買正股選擇多。
他絕不建議非專業投資者買這類衍生產品，認為莊家敢於推出這類高息產品，早已有全盤計劃，否則不可能有十厘回報，「如果我賣騰訊ELN，收咗好多錢返嚟，我會做咩呢？就係將騰訊質低佢，你應承咗300蚊接嘛，跌落去你都會賠返錢畀我。」
「你諗下都知點會畀10厘息你，10厘佢點賺呢？如果任由市場自然升跌，佢就會蝕大本。」他建議證監會應好好監管一下這類衍生產品及推銷手法。