斥禁電子煙　張宇人：糖鹽係咪都要禁？

【蘋果日報】身兼行政會議成員的自由黨立法會議員張宇人昨在辯論致謝議案時稱，政府全面禁止電子煙已取得足夠票數支持，炮轟這是「多數票嘅極權，剝奪少數人嘅權利」，反問宗教或有害、糖份對身體不好，政府是否也要作出限制？人民力量陳志全則批評林鄭全禁電子煙的手法，是唯我獨尊的行政霸權，形容與建制派稱「『出於好意反港獨、支持政府唔講道理、唔續工作簽證畀外國記者會副主席』，有乜嘢唔同？」
陳志全憂延伸至「思想健康」
張宇人昨在立法會辯論時，批評政府全面禁止電子煙，「呢個係典型多數票的極權，剝奪少數人嘅權利」。張指很多東西也是有害，如宗教也是可能有害，「是否亦都要禁？」張宇人更指糖份也有害：「係唔係動不動就話畀我哋聽，我要一日食幾粒糖，幾多粒鹽或者幾多粒朱古力？」
陳志全批評政府全面禁止電子煙的手法，體現特首林鄭月娥「唔講道理嘅行政霸權。他認為傳統煙草產品禍患更大：「點解政府冇提出全面禁煙呢？局長（食物及衞生局局長陳肇始），我同你打賭，你敢唔敢同保安局提出，監獄全面禁煙呢？你唔敢呀！」
陳志全認為，今日政府以市民健康為由便一聲令下全面禁止電子煙，他日或會為了市民思想健康，全面禁止其他政黨、書報發佈：「請大家想想，為咗目的，唔講原則，唔講道理，支持政府全面禁（電子）煙，呢個同建制派話『出於好意反港獨、支持政府唔講道理、唔續工作簽證畀外國記者會副主席』，有乜嘢唔同？」
■記者姚國雄