魚樂無窮：一個動作大三元

【蘋果日報】美國中期選舉塵埃落定，結果符合市場預期，但港股卻在消息公佈後喪chok，高低波幅超過600點；話雖如此，指數仍在20及50天線之間徘徊，未見突破，要走出方向，近嘅睇歐盟與意大利就財政預算的角力，遠嘅一定係月底G20峯會，中美兩大元首碰面了。
細價股則炒個不亦樂乎，不少明星半新股上周起由低位急彈，翻炒再翻炒，雖然與上市初期的高位比較，仍然天各一方，但資金肯主動搵嘢炒，市場氣氛明顯好得多。
央企股中航工業（232）月初宣佈，以總代價22.4億元，出售旗下大連及重慶地產項目予恒大（3333），交易完成後，中航工業將重點力拓全球通用航空飛機活塞發動機市場，以配合國資委的重組方案。
套現所得其中13億銀將用作清算發動機收購及還債，還有近9億元可發揮，交易更會帶來7.4億元的收益。簡單而言，一個動作換來業績大翻身、財政變靚啲、業務更優化三個催化劑，難怪在明日股東特別大會前夕炒上，圖表出現靚圓底，用今年初供股價0.37元計算，相信仍有一段路可走！
唐牛
http://fb.com/tongcow88
本欄逢周二、四刊出