財女手筆：長線建倉要買長建

【蘋果日報】大市風高浪急，計埋10月，恒指已經連跌6個月，大跌市下，傳統公用股即時成為大市避風港，成為資金避險首選。熊市到來，樂觀來看是為下一次牛市做準備。中美貿易戰短期無法解決下，要選擇一隻進可攻退可守嘅股份，長江基建（1038）係其中一隻值得長期持有嘅股份。
長建於1996上市，多年來雖然未至於好似騰訊（700）咁大升特升，不過勝在夠穩定，而穩定之中亦求進取。長建本身做開基建業務，業務遍佈世界各地。多年來不停收購海外基建項目，為佢帶來可觀而穩定現金流，再用相關現金流再收購，故多年來盈利穩定提升。係中美貿易戰下，長建業務受影響基本上微乎其微。
此外，長建受益於穩定增長嘅盈利，派息基本上能夠做到每年增長。由1996年上市派息每股0.16開始，股息每年增長，到2017年已達每股2.38，增長接近15倍。於最近20年，長建的派息政策是極其出息。而於可見將來，繼續對外擴張收購嘅長建的派息政策會繼續維持增長。
如果以長線投資10年或20年計算，長建現價14倍市盈率，4厘股息率，喺持續有重磅收購支持末來盈利及派息增長下，作為長線建倉，長建基本上是不可或缺的一隻股份。
Melody
http://fb.com/whichroad