MyGut者言：共和黨輸　美股會冧？

【蘋果日報】昨天是美國中期選舉的日子，對美國政治有認識的人都知道，入主白宮的政黨，通常會在中期選舉失選票輸議席。輸是常態，與總統表現關係不大。只是非常特朗普，在這次中期選舉又能否創造政經新常態呢？
美國評論人普遍預測，共和黨可守住參議院但輸掉眾議院，造成「分立政府」（divided government）的局面。其實分立政府的出現，不但是意料之內，亦是情理之中。政治經濟周期理論指出，民主共和兩黨對經濟政策各有偏好，執政黨中期選舉失利，只是選民要制衡兩黨避免政策過份偏激。理論又指，傳統以來，民主黨較共和黨喜歡以通脹剌激經濟。中期選舉前，論經濟表現，民主黨執政比共和黨執政佳；中期選舉後，哪個政黨執政，經濟都是差不多。
有投資美股的女友Babe神色凝重地問：「你師弟Nate Silver估民主黨贏返眾議院嘅機會有88%，共和黨保住參議院嘅機會就有81%。估中咪國家分裂，個市會唔會冧㗎？」我答：「呢位美國『估神』係芝大校友，2009年被時代雜誌選為100大最具影響力人物之一。不過兩年前佢估希拉利勝算有71%，結果一地眼鏡。」Babe再問：「即係話美國唔使分裂？」我再答：「其實佢已經算錯得最有譜，當時大把人批侵侵9成會輸，佢哋就係冇預到好多『投共』嘅人唔肯認自己係『侵粉』。今次加上侵侵打破共和黨執政頭兩年經濟不佳嘅常態，my gut覺得88%係高估咗民主黨嘅贏面。不過就算民主黨贏返眾議院，政府分立同國家分裂係兩回事，前者令政策難咗推，個市反而可能冇咁波動。」
徐家健
美國克林信大學經濟系副教授
http://fb.com/economics3.0/
本欄逢周三刊出