新聞類別
財經
詳情#
【蘋果日報】今個月嘅天字第一號大事，非美國中期選舉莫屬。呢場象徵特朗普「期中考試」嘅選舉，周二開考，張成績表，唔止關乎特朗普未來兩年施政，以至連任成敗；亦關乎中美貿易戰、中美關係走向。本周市況，估計會因中期選舉變成政治市，美股又會帶動環球股市坐過山車。
中期選舉前夕，根據民意調查網站FiveThirtyEight，執政共和黨有85%贏面保住參議院控制權，在野民主黨則有85%贏面重奪眾議院控制權。眾議院易主，雖然令特朗普施政冇咁易過關，但未必不利美股。美銀美林指出，由歷史睇，兩黨各掌一院，標指每年平均回報仍達12%。
中美貿易戰比表面複雜，特朗普打個電話就擺平？咪傻啦！貿易戰消息反覆，港股上周五嘅千點升幅，周一回吐一半，跌551點，收25934。睇嚟上周只係技術性反彈，嚴重超賣下藉消息挾淡倉，但回升至近50天線見阻力，或要回試20天線25500關，補回上升裂口。
中美元首擇吉喺月底G20峯會見面，相信仲有連番角力。本周亦有多場戲碼，為後市帶嚟壓力。美國方面，除咗選戰，仲有重壠伊朗石油禁運、財政部拍賣歷來最大國債、聯儲局議息等；中國方面，四中全會亦有機會本周召開。
每逢跌市，總有股民想撈底。不過，不明朗因素充斥，一定要控制注碼。睇唔清楚唔好亂做，寧可錯過唔好做錯。後市若然反彈，推動嘅必定係重磅藍籌，現時五大藍籌──滙豐（005）、騰訊（700）、友邦（1299）、建行（939）、平保（2318），共佔恒指比重超過四成，一旦大市確認見底，可喺當中選擇。五者之中，平保有回購跟尾，回購額為總股本10%內，以現價78元計，相當於1,426億元，可諗諗。
割柑人
本欄逢周二刊出
中期選舉前夕，根據民意調查網站FiveThirtyEight，執政共和黨有85%贏面保住參議院控制權，在野民主黨則有85%贏面重奪眾議院控制權。眾議院易主，雖然令特朗普施政冇咁易過關，但未必不利美股。美銀美林指出，由歷史睇，兩黨各掌一院，標指每年平均回報仍達12%。
中美貿易戰比表面複雜，特朗普打個電話就擺平？咪傻啦！貿易戰消息反覆，港股上周五嘅千點升幅，周一回吐一半，跌551點，收25934。睇嚟上周只係技術性反彈，嚴重超賣下藉消息挾淡倉，但回升至近50天線見阻力，或要回試20天線25500關，補回上升裂口。
中美元首擇吉喺月底G20峯會見面，相信仲有連番角力。本周亦有多場戲碼，為後市帶嚟壓力。美國方面，除咗選戰，仲有重壠伊朗石油禁運、財政部拍賣歷來最大國債、聯儲局議息等；中國方面，四中全會亦有機會本周召開。
每逢跌市，總有股民想撈底。不過，不明朗因素充斥，一定要控制注碼。睇唔清楚唔好亂做，寧可錯過唔好做錯。後市若然反彈，推動嘅必定係重磅藍籌，現時五大藍籌──滙豐（005）、騰訊（700）、友邦（1299）、建行（939）、平保（2318），共佔恒指比重超過四成，一旦大市確認見底，可喺當中選擇。五者之中，平保有回購跟尾，回購額為總股本10%內，以現價78元計，相當於1,426億元，可諗諗。
割柑人
本欄逢周二刊出
留言 (0)
