新聞類別
港聞
詳情#
【蘋果日報】活字印刷，中國四大發明之一，但隨着電腦化，古老技藝逐漸失傳，不忍字粒散落，熱心文化保育的港產版畫家翁秀梅，先後回收兩部活字印刷機，在網上招募義工，推「字海重整計劃」。「只將機器『豢養』喺博物館其實冇意思，所謂非物質文化遺產，技術的傳承才最重要」。兩代老爺印刷機，見證種瓜是瓜、見山是山的香港美好時代，各有故事，如今退下火線，留下數以萬計的字粒，需時重新整理。這個憑創作獲獎無數，但對活字印刷技術自認只屬BB班的創作人，笑稱「讓消逝的活下去」，是困難的「希望工程」，卻意義無比。
記者：呂麗嬋
走進翁秀梅位於石硤尾的工作室，眼前是巨型「字粒櫃」，方正的字粒整齊排列，加上兩部印刷機，既似民間博物館，又似窗明几淨的另類工場。「擺放字粒的叫字盤，中文字盤分出俗和入俗，出俗擺放常用字，入俗則依部首」。不同師傅各有習慣，中環林師傅，專印中上環商業文件；上水唐師傅，客人最多中港司機，多印出貨單。見微知著，那些年，印刷是工業，還不是藝術。但不論是翁秀梅擅長的版畫，還是活字印刷，前者主攻圖案後者主攻文字，俱是傳情達意的工具。
物換星移，永利街重建，老一輩師傅退休的退休、過世的過世，中上環高峯期有逾200間印刷公司的盛況早已不再，擅長各類拓印的翁秀梅，直言活字印刷式微已是現實，儘管不欲將老古董「豢養」在博物館，用玻璃箱「供奉」，但也不會天真地期待活字會再以大眾傳播的面貌出現。「再用紅褲仔方式學印刷，今時今日係冇可能，年輕人就算有興趣，也冇打算學呢門手藝嚟搵食，但呢種技術，確實仍然值得保存」。走過印刷業的黃金時代，在文字圖案都放在雲端的今天，就連紙本價值也受質疑，遑論活字印刷。
「由盛而衰，都有一個軌迹，除咗活字，工業北移，好多手作行業亦有一代的空白期，6、70後一代無接，仍然做緊嘅年紀好大，近年最積極接手想傳承技術嘅，反而係8、90後，甚至00後。」她說：「傳統印刷和電腦打印，效果好唔同，年輕一代冇經歷過，覺得新奇，就會追溯背後古仔」。在理大讀設計的黃洛尹，正是一例。正跟隨老師傅「學師」的小妮子，熟練地在字盤挑出字粒，然後放入木托，計好量距後套入印刷機，抹上油墨，咔嚓咔嚓，如心臟規律跳動，古老的機器活過來，血脈傳承，再次印出文字。
成長於電腦世代，黃自言學習傳統印刷是新鮮的體驗。「大學上堂都會學排版，但都係用電腦軟件，同傳統執字粒感覺好唔同，到真係跟師傅學，先知好多電腦上嘅用語，原來都係嚟自傳統印刷技術」。對比電腦的準確和規範，黃不諱言字粒更具個性：「就算係同樣嘅字，每粒字粒都會因為受壓同狀態唔同，印出嚟嘅效果都會好唔同」。由大量印刷到走向精緻化，以文化傳承的面貌重新推出市場，中港台的文化界和藝術界都在努力。上環有老牌印刷公司的第二代，轉型做工作坊；柴灣青年廣場就搞印藝廊，備導賞團教公眾認識活字歷史。翁秀梅任總監的工作室，則與中學合作搞活動，又網上招募義工，協助整理海量字粒。
「中文字粒多筆劃，好多空間藏塵，必須逐粒人手清潔，冇辦法唔係希望工程。」
做文職工作的Agnes，是希望出一分力的熱心義工之一。由搵字粒、放字盤、砌版及上櫃一手包辦，無懼字粒間的曱甴腳和萬年污迹。「先用布清潔字粒，然後再根據大細同唔同字形粗幼分類，好考眼力，但過程好治癒，特別係喺安靜環境下高度專注，對字體同文字嘅筆劃，都有更細微嘅觀察。」小妮子說。冇人冇資源，翁秀梅笑說字海重整，就如愚公移山，好在一出道已從事冷門版畫創作的她，習慣走窄路，她笑說抱着「做得幾多得幾多」的佛系心態，隨遇而安。
分別在理大和美國阿拉巴馬大學學習版畫，並在新墨西哥大學著名的版畫研究院任駐留藝術家深造，翁秀梅的作品在國際獲獎無數，回港後推廣冷門的版畫藝術，以及她口中一脈相通的活字印刷。從一元租用藝發局的上海街視藝空間，到成為資助藝團，一路走來，她直言有時忙着撰寫計劃書申請資助，有時忙着兼職教書幫補生計，但大部份時間仍在做自己喜歡的事，參與策劃不同的藝術項目，與大學和社區組織合作，以及協助推動駐留計劃，培訓人才。
「我唔係一個好有計劃嘅人，返到香港，最初唔知有咩可以做，遇到幾個諗法相近嘅朋友，就成立咗工作室」。工作室幾位創辦人各有正職，她在網上招募義工，有百幾人報名，迴響遠超預期，義工都得來簡介會，然後編排工作時間表。而她，就將畫廊暫時變身「執字粒工場」。「整理字粒係人力密集嘅工作，字粒都係軟金屬，跌落地下就報銷，所以要好小心；加上中文字粒多筆劃，好多空間藏塵，必須逐粒人手清潔，冇辦法唔係希望工程」。
兩部印刷機輾轉來到工作室，亦有段古。「我哋透過朋友認識林師傅，部印刷機對佢意義重大，見證佢成家立室、有自己事業，係多年拍檔，唔想就咁送去堆填區」。50年代出產的印刷機，性能仍良好，見證香港美好時代，翁秀梅當仁不讓。「要經過林師傅面試，確保門當戶對，好似嫁女咁，交接後仲喺工作室搞咗個『師傅話 活字說』的展覽，邀請林師傅分享他的故事。」
另一部機則原本交由非牟利文化組織「字活」傳承，現一拼存放在工作室內。香港最後一間鑄字行在90年代初結業，如今留存下來的，都是僅存的「港產字粒」，銅模不同，字型有別，就像不同人的筆迹，每粒字獨一無二，全是孤本。「兩位師傅都好支持我哋，會教同事點樣用部機，之前我哋亦搞咗個活動，畀中學生利用活字印刷技術印一本書仔，在理解也斯的文字後，同時以畫像呈現」。
保存和整理字粒是第一步，但翁認為，要活用才是真正生存。「只在玻璃箱外睇部印刷機，其實冇意思，同學仔入到嚟，見到摸到，自然就會有好奇心，呢種經驗好重要，好多同學入到嚟，第一時間搵自己個名，只要覺得好玩，就有興趣了解背後嘅故事。」她說：「今日嘅年輕人或者無法想像，以前印刷機好似槍械咁，要先攞牌照先可以擁有；5、60 年代搬部機出街要先向警察申請，印刷係管制行業，唔同依家人人屋企都有一部打印機，呢啲都係好有趣嘅時代背景。」
「冇蔡倫造紙就唔會有印刷術，竹卷絲綢係好貴嘅嘢，知識分子以前係上等人。」
就如中國四大發明，在阿翁眼中，豈止是小學入學試或常識問答比賽的例牌問題，背後一樣有故事。「冇蔡倫造紙就唔會有印刷術，竹卷絲綢係好貴嘅嘢，知識分子以前係上等人」。紙，在她眼中，既是重要的載體，也是知識普及的關鍵。商業上，利用紙印書印報紙，藝術上就印藝術家的創作，唇齒相依。而作為版畫師，阿翁不諱言連帶對紙也有情意結，上年她就策展名為「紙的傳奇」的展覽，以紙為媒介，由世界各地不同藝術家，展現各自眼中的香港。
「紙其實有好多可能性，我哋平日用嘅紙，大量生產，好快變黃變脆，壽命短；反觀19世紀嘅書，造紙方式不同，到今日仍保存得好好。你問印刷師傅，知道點樣印同用咩紙印，呢啲都係大學問」。活字和造紙，與翁秀梅的版畫專業看似風牛馬不相及，但她說其實是一脈相通。近年數碼媒體及多媒體大行其道，紙品的美遭受冷落，她覺得可惜，但對紙本的未來仍然樂觀。「紙本同活字，我覺得都唔會消失，只係會以精緻面貌呈現。」自稱「公仔佬」卻又愛字的她笑着說。
記者：呂麗嬋
走進翁秀梅位於石硤尾的工作室，眼前是巨型「字粒櫃」，方正的字粒整齊排列，加上兩部印刷機，既似民間博物館，又似窗明几淨的另類工場。「擺放字粒的叫字盤，中文字盤分出俗和入俗，出俗擺放常用字，入俗則依部首」。不同師傅各有習慣，中環林師傅，專印中上環商業文件；上水唐師傅，客人最多中港司機，多印出貨單。見微知著，那些年，印刷是工業，還不是藝術。但不論是翁秀梅擅長的版畫，還是活字印刷，前者主攻圖案後者主攻文字，俱是傳情達意的工具。
物換星移，永利街重建，老一輩師傅退休的退休、過世的過世，中上環高峯期有逾200間印刷公司的盛況早已不再，擅長各類拓印的翁秀梅，直言活字印刷式微已是現實，儘管不欲將老古董「豢養」在博物館，用玻璃箱「供奉」，但也不會天真地期待活字會再以大眾傳播的面貌出現。「再用紅褲仔方式學印刷，今時今日係冇可能，年輕人就算有興趣，也冇打算學呢門手藝嚟搵食，但呢種技術，確實仍然值得保存」。走過印刷業的黃金時代，在文字圖案都放在雲端的今天，就連紙本價值也受質疑，遑論活字印刷。
「由盛而衰，都有一個軌迹，除咗活字，工業北移，好多手作行業亦有一代的空白期，6、70後一代無接，仍然做緊嘅年紀好大，近年最積極接手想傳承技術嘅，反而係8、90後，甚至00後。」她說：「傳統印刷和電腦打印，效果好唔同，年輕一代冇經歷過，覺得新奇，就會追溯背後古仔」。在理大讀設計的黃洛尹，正是一例。正跟隨老師傅「學師」的小妮子，熟練地在字盤挑出字粒，然後放入木托，計好量距後套入印刷機，抹上油墨，咔嚓咔嚓，如心臟規律跳動，古老的機器活過來，血脈傳承，再次印出文字。
成長於電腦世代，黃自言學習傳統印刷是新鮮的體驗。「大學上堂都會學排版，但都係用電腦軟件，同傳統執字粒感覺好唔同，到真係跟師傅學，先知好多電腦上嘅用語，原來都係嚟自傳統印刷技術」。對比電腦的準確和規範，黃不諱言字粒更具個性：「就算係同樣嘅字，每粒字粒都會因為受壓同狀態唔同，印出嚟嘅效果都會好唔同」。由大量印刷到走向精緻化，以文化傳承的面貌重新推出市場，中港台的文化界和藝術界都在努力。上環有老牌印刷公司的第二代，轉型做工作坊；柴灣青年廣場就搞印藝廊，備導賞團教公眾認識活字歷史。翁秀梅任總監的工作室，則與中學合作搞活動，又網上招募義工，協助整理海量字粒。
「中文字粒多筆劃，好多空間藏塵，必須逐粒人手清潔，冇辦法唔係希望工程。」
做文職工作的Agnes，是希望出一分力的熱心義工之一。由搵字粒、放字盤、砌版及上櫃一手包辦，無懼字粒間的曱甴腳和萬年污迹。「先用布清潔字粒，然後再根據大細同唔同字形粗幼分類，好考眼力，但過程好治癒，特別係喺安靜環境下高度專注，對字體同文字嘅筆劃，都有更細微嘅觀察。」小妮子說。冇人冇資源，翁秀梅笑說字海重整，就如愚公移山，好在一出道已從事冷門版畫創作的她，習慣走窄路，她笑說抱着「做得幾多得幾多」的佛系心態，隨遇而安。
分別在理大和美國阿拉巴馬大學學習版畫，並在新墨西哥大學著名的版畫研究院任駐留藝術家深造，翁秀梅的作品在國際獲獎無數，回港後推廣冷門的版畫藝術，以及她口中一脈相通的活字印刷。從一元租用藝發局的上海街視藝空間，到成為資助藝團，一路走來，她直言有時忙着撰寫計劃書申請資助，有時忙着兼職教書幫補生計，但大部份時間仍在做自己喜歡的事，參與策劃不同的藝術項目，與大學和社區組織合作，以及協助推動駐留計劃，培訓人才。
「我唔係一個好有計劃嘅人，返到香港，最初唔知有咩可以做，遇到幾個諗法相近嘅朋友，就成立咗工作室」。工作室幾位創辦人各有正職，她在網上招募義工，有百幾人報名，迴響遠超預期，義工都得來簡介會，然後編排工作時間表。而她，就將畫廊暫時變身「執字粒工場」。「整理字粒係人力密集嘅工作，字粒都係軟金屬，跌落地下就報銷，所以要好小心；加上中文字粒多筆劃，好多空間藏塵，必須逐粒人手清潔，冇辦法唔係希望工程」。
兩部印刷機輾轉來到工作室，亦有段古。「我哋透過朋友認識林師傅，部印刷機對佢意義重大，見證佢成家立室、有自己事業，係多年拍檔，唔想就咁送去堆填區」。50年代出產的印刷機，性能仍良好，見證香港美好時代，翁秀梅當仁不讓。「要經過林師傅面試，確保門當戶對，好似嫁女咁，交接後仲喺工作室搞咗個『師傅話 活字說』的展覽，邀請林師傅分享他的故事。」
另一部機則原本交由非牟利文化組織「字活」傳承，現一拼存放在工作室內。香港最後一間鑄字行在90年代初結業，如今留存下來的，都是僅存的「港產字粒」，銅模不同，字型有別，就像不同人的筆迹，每粒字獨一無二，全是孤本。「兩位師傅都好支持我哋，會教同事點樣用部機，之前我哋亦搞咗個活動，畀中學生利用活字印刷技術印一本書仔，在理解也斯的文字後，同時以畫像呈現」。
保存和整理字粒是第一步，但翁認為，要活用才是真正生存。「只在玻璃箱外睇部印刷機，其實冇意思，同學仔入到嚟，見到摸到，自然就會有好奇心，呢種經驗好重要，好多同學入到嚟，第一時間搵自己個名，只要覺得好玩，就有興趣了解背後嘅故事。」她說：「今日嘅年輕人或者無法想像，以前印刷機好似槍械咁，要先攞牌照先可以擁有；5、60 年代搬部機出街要先向警察申請，印刷係管制行業，唔同依家人人屋企都有一部打印機，呢啲都係好有趣嘅時代背景。」
「冇蔡倫造紙就唔會有印刷術，竹卷絲綢係好貴嘅嘢，知識分子以前係上等人。」
就如中國四大發明，在阿翁眼中，豈止是小學入學試或常識問答比賽的例牌問題，背後一樣有故事。「冇蔡倫造紙就唔會有印刷術，竹卷絲綢係好貴嘅嘢，知識分子以前係上等人」。紙，在她眼中，既是重要的載體，也是知識普及的關鍵。商業上，利用紙印書印報紙，藝術上就印藝術家的創作，唇齒相依。而作為版畫師，阿翁不諱言連帶對紙也有情意結，上年她就策展名為「紙的傳奇」的展覽，以紙為媒介，由世界各地不同藝術家，展現各自眼中的香港。
「紙其實有好多可能性，我哋平日用嘅紙，大量生產，好快變黃變脆，壽命短；反觀19世紀嘅書，造紙方式不同，到今日仍保存得好好。你問印刷師傅，知道點樣印同用咩紙印，呢啲都係大學問」。活字和造紙，與翁秀梅的版畫專業看似風牛馬不相及，但她說其實是一脈相通。近年數碼媒體及多媒體大行其道，紙品的美遭受冷落，她覺得可惜，但對紙本的未來仍然樂觀。「紙本同活字，我覺得都唔會消失，只係會以精緻面貌呈現。」自稱「公仔佬」卻又愛字的她笑着說。
留言 (0)
