入行瘋狂拍戲拍到驚

【蘋果日報】出身演藝世家的關之琳在18歲入行，她笑言最初只覺拍戲辛苦：「一嚟就拍戲，初初唔enjoy㗎！第一年拍電視劇同電影一齊，所以拍到我驚咗，我又唔係受過訓練，我都唔知做乜，唔會享受，我覺得好辛苦、好辛苦。」
雖然拍過《富貴列車》及《黃飛鴻》等大製作，但關之琳只喜歡拍愛情片。關之琳無奈地說：「遇到陳嘉上導演嘅電影，慢慢先喜歡，因為拍到自己喜歡嘅愛情片，其實我好鍾意愛情片，但係拍極都係商業片，大哥嗰啲打到你死，跳嚟跳去好似馬騮咁。所以冇機會遇到好劇本，比較可惜。」
最近兩年，關之琳向時裝設計發展，曾跟服裝品牌合作推出睡衣、滑雪裝、街頭服等，新一季更創立自家品牌，她興奮地說：「原來一個品牌要顧及好多嘢，希望每次畀到新鮮感大家，呢啲緊要過賺錢。」