鄭嘉穎聽老婆話開Ig

【蘋果日報】鄭嘉穎、惠英紅和張敬軒等昨晚在灣仔一酒店出席頒獎活動，嘉穎笑言最近開了Ig：「冇辦法啦，自己希望做成功嘅男人，所以要聽老婆話，但唔會放啲食飯相上去，唔想每次食飯都等影相，但老婆會，我就係嗌等等嗰個，會分享生活上點滴。我識開live，不過未咁做，我不嬲都有進入網絡世界，之前已開咗微博。」
惠英紅下月會飛台北出席金馬獎，她憑《翠絲》提名最佳女配角，問到有否信心時，小紅姐說：「攞獎睇評審，五五波，不過不嬲對自己有信心。」對於該片男主角姜皓文（黑仔）未獲提名，她說：「黑仔做得好好，唔需要安慰，大家都做咗幾十年，反而特登去安慰會好奇怪。」
採訪：張俊銘
攝影：陳慧安