新聞類別
財經
詳情#
【蘋果日報】
特朗普又退group！繼上周三退出萬國郵政聯盟（UPU）後，上周六又退出中程導彈條約（INF），都係沖着中國而來！
退出UPU係不滿郵費政策益晒中國；退出INF牌面係不滿俄羅斯違約，牌底係條約只禁美國、俄羅斯研發核彈，中國並非締約國，唔受約束，美國喺軍事上蝕章。
特朗普上任美國總統21個月，已退出多項國際協議，除咗上述兩項，仲有跨太平洋夥伴協定（TPP）、巴黎氣候協議、聯合國教科文組織、伊朗核協議、北美自由貿易協定（NAFTA）、聯合國人權理事會等。
據報中美元首敲定喺G20峯會前夕，即11月29日見面。習近平、特朗普時隔一年再見，已由「好朋友」變成「可能唔再係朋友」，中美關係惡化，由貿易擴至軍事，見個面就拆得掂？中國對外有中美問題，對內有股權質押問題，中央唔敢怠慢，上周五、六傾巢維穩。
繼四大財金高官出聲撐股市、習近平出信撐民企後，交易所、基金會亦出手為股權質押拆雷，又有減稅跟尾，又乜又物。政策轉暖，A股「迎春」，周一滬股飆4.1%，帶動港股飆2.3%。不過，咁嘅場面，令人諗起2015年大時代，大升市、大跌市、大救市，之後咪股災囉！
中央開口救市，雖能刺激股市短期上升，但未能扭轉實體經濟轉差嘅事實，相信今趟只係熊市反彈，升勢未必持久。事實上，A股回升，淡友卻未收手，仲加碼沽空A股ETF，南方A50（2822）沽空比率近66%，安碩A50（2823）則近68%。
反彈市揀股，宜揀強勢股，即跌市跌唔落，升市破位上嘅股份。
平保（2318）近排未有跟隨大市破底，較其他金融股硬淨。集團首三季保費增長19%，金融科技業務亦屆收成期。該股8月中見底回升，9月下旬高見80.5元，上周回調至71.8元橫行區見支持，現價76.5元，有力再上。
割柑人
本欄逢周二刊出
特朗普又退group！繼上周三退出萬國郵政聯盟（UPU）後，上周六又退出中程導彈條約（INF），都係沖着中國而來！
退出UPU係不滿郵費政策益晒中國；退出INF牌面係不滿俄羅斯違約，牌底係條約只禁美國、俄羅斯研發核彈，中國並非締約國，唔受約束，美國喺軍事上蝕章。
特朗普上任美國總統21個月，已退出多項國際協議，除咗上述兩項，仲有跨太平洋夥伴協定（TPP）、巴黎氣候協議、聯合國教科文組織、伊朗核協議、北美自由貿易協定（NAFTA）、聯合國人權理事會等。
據報中美元首敲定喺G20峯會前夕，即11月29日見面。習近平、特朗普時隔一年再見，已由「好朋友」變成「可能唔再係朋友」，中美關係惡化，由貿易擴至軍事，見個面就拆得掂？中國對外有中美問題，對內有股權質押問題，中央唔敢怠慢，上周五、六傾巢維穩。
繼四大財金高官出聲撐股市、習近平出信撐民企後，交易所、基金會亦出手為股權質押拆雷，又有減稅跟尾，又乜又物。政策轉暖，A股「迎春」，周一滬股飆4.1%，帶動港股飆2.3%。不過，咁嘅場面，令人諗起2015年大時代，大升市、大跌市、大救市，之後咪股災囉！
中央開口救市，雖能刺激股市短期上升，但未能扭轉實體經濟轉差嘅事實，相信今趟只係熊市反彈，升勢未必持久。事實上，A股回升，淡友卻未收手，仲加碼沽空A股ETF，南方A50（2822）沽空比率近66%，安碩A50（2823）則近68%。
反彈市揀股，宜揀強勢股，即跌市跌唔落，升市破位上嘅股份。
平保（2318）近排未有跟隨大市破底，較其他金融股硬淨。集團首三季保費增長19%，金融科技業務亦屆收成期。該股8月中見底回升，9月下旬高見80.5元，上周回調至71.8元橫行區見支持，現價76.5元，有力再上。
割柑人
本欄逢周二刊出
留言 (0)
