5年來最涼重陽節　掃墓人流減

【蘋果日報】昨日是農曆九月初九重陽節，不少孝子賢孫都會到墳場拜祭先人，全港多區墳場實施臨時封路措施。到將軍澳華人永遠墳場拜祭先人的市民需沿行人徑上山，但由於氣溫偏低，而且人流明顯較清明節少。
有前來墳場祭祖的市民表示，今年祭品的價格上升，但仍然無阻他們到這裏憑弔先人的心意。
為方便市民掃墓，警方在多區實施特別交通安排，通往將軍澳華人永遠墳場的通道昨日上午5時30分至晚上8時全面封閉，沒有任何交通工具能直達墳場，不少市民一早帶同鮮花及祭品到達調景嶺港鐵站，再沿行人徑上山拜祭先人，現場觀察中午前人流不算擠擁。天文台昨錄得最高溫度26℃，最低溫度21℃，氣溫為5年來最低。
祭品加價兩成
鄧小姐一家買了近200元祭品，「有生果、元寶衣紙嗰啲，貴咗好多，生果就無乜點貴到，但其他嘢好似貴咗好多，差唔多20%，以前百幾蚊，依家要差唔多200蚊」。鄧小姐又指今天交通暢順，惟超級颱風「山竹」過後，墳場的風景差了很多，「好多樹都斷咗，以前好蒼綠㗎」。
馮先生買了約300元祭品，同樣指祭品價格上升，「買咗衣紙、薑花、飯盒同生果，主要係衣包貴咗，我諗都有20%」。對於近年的新潮祭品，馮先生表示都是購買傳統祭品為主，更笑言「如果畀咗iPhone佢，點解又唔畀個插蘇佢叉電？」他指今天沒交通擠塞，又指山竹沒為墳場帶來太大影響，「又唔覺得啲樹塌得太犀利」。
郭太一家購買了共900元祭品，「貴就貴咗啲，但年年都會貴啲，我諗貴咗10%到啦。不過我哋每年買嘅嘢都有少少唔同，主要都離不開衣包同四季衣服」。郭太指往年買過紙紮iPhone等新潮祭品，「往年買好多最新出品嘅嘢，但今年冇乜啦，因為環保，所以盡量買少啲」。郭太今天駕車上停車場時泊車順利，「清明嗰陣要周圍搵位泊，重陽少啲人就易啲搵到位」。山竹過後，郭太認為對墳場的影響不算太大，「我哋仲話好似吹唔正呢到咁」。
■記者李雨夢