網民改圖苦中作樂

【蘋果日報】港鐵四綫列車同時跪低，打工仔急如熱鍋上螞蟻，有網民苦中作樂，改圖自嘲等車之苦，亦有人改編兒歌惡搞諷刺港鐵只懂賣廣告，管理雜亂無章，引起不少網民附和。
昨facebook群組出現多張改圖，其中一張參照南韓電影《屍殺列車》海報，但戲名改為「香港列車續集」，海報上寫着「9.17返工全城迫爆……香港人10.16返工返學再難我唔到」，嘲諷9月17日山竹襲港導致全車鐵路服務大癱瘓，事發後剛巧一個月，打工仔便因「四綫冧檔」重現逼爆月台及車廂的情況。
改詞諷管理亂
另外，有人改圖提及「三綫崩壞」，遭網民批評創作者反應慢，旋即在原圖改字成「四綫崩壞」，獲網民讚「反應快過港鐵」。有人則惡搞勞工處圖案，配上月台等車圖並且改為「奴工處」，以打工仔身份配上一段獨白：「表面我哋係等緊車，事實上我哋係等緊俾人炒。」
網民更改編卡通片《多啦A夢》主題曲嘲諷始作俑者港鐵，歌詞提到港鐵常故障令打工仔遲到，卻只懂做公關賣廣告，管理雜亂無章，沒改善服務。
■記者莫家文