新聞類別
財經
詳情#
【蘋果日報】
以一句「You're fired」響朵嘅特朗普，最新目標係聯儲局主席鮑威爾，皆因上周美股大跌，特朗普歸咎聯儲局加息已「黐咗線」。特朗普鬧完，加息預期降溫，美股反彈，可惜噚日中港股市未能承接升勢。鬼咩，特朗普上周末話可能對中國加徵新一輪關稅！
喺中美貿易戰陰霾下，噚日內地降準落地，人民幣滙率再跌，低見6.92水平，A股碌低1.5%，港股碌低1.4%。恒指已連續三日收於下降軌之下，確認跌破。美國財政部將於周四公佈，係咪將中國列為滙率操縱國，唉，貿易戰未平，貨幣戰又起，港股唔襟捱！
中美貿易戰惡化，越嚟越多中國廠商將生產線搬去東南亞。據《日經亞洲評論》爆料，中國電聲行業龍頭、蘋果AirPods代工歌爾聲學（Goertek），着手將生產線搬去越南。台資嘅iPhone代工和碩同iPhone充電器供應商正崴，亦打算撤出中國。
雖然蘋果避過500億美元關稅清單同2,000億美元關稅清單，但嚟緊仲有2,670億美元嘅清單。蘋果有乜依郁，供應鏈會攬抄。
本港上市嘅蘋果供應商，有提供立體聲雙喇叭同觸控摩打嘅瑞聲（2018）、提供前置鏡頭嘅高偉（1415）、提供防水膠圈嘅通達（698）、提供連接器嘅鴻騰（6088）等。
舊年市況好景，加上iPhone問世十周年，瑞聲、高偉、通達、鴻騰拍住蘋果搵食，股價分別上升105.6%、43.7%、2.5%、93.9%；不過，今年市況逆轉，上述股份股價分別下跌51.6%、67.5%、45.9%、36.4%，食蘋果變食蕉！
貿易戰硝煙，遲早燒到蘋果，蘋果概念股掂唔過。事實上，港股跌到呢個位，大把藍籌大平賣，滙控（005）現價股息率6.1厘，高過內銀；不過，滙控被空軍狙擊，沽空比率達57%，股價或再尋底，睇定啲先。
割柑人
本欄逢周二刊出
以一句「You're fired」響朵嘅特朗普，最新目標係聯儲局主席鮑威爾，皆因上周美股大跌，特朗普歸咎聯儲局加息已「黐咗線」。特朗普鬧完，加息預期降溫，美股反彈，可惜噚日中港股市未能承接升勢。鬼咩，特朗普上周末話可能對中國加徵新一輪關稅！
喺中美貿易戰陰霾下，噚日內地降準落地，人民幣滙率再跌，低見6.92水平，A股碌低1.5%，港股碌低1.4%。恒指已連續三日收於下降軌之下，確認跌破。美國財政部將於周四公佈，係咪將中國列為滙率操縱國，唉，貿易戰未平，貨幣戰又起，港股唔襟捱！
中美貿易戰惡化，越嚟越多中國廠商將生產線搬去東南亞。據《日經亞洲評論》爆料，中國電聲行業龍頭、蘋果AirPods代工歌爾聲學（Goertek），着手將生產線搬去越南。台資嘅iPhone代工和碩同iPhone充電器供應商正崴，亦打算撤出中國。
雖然蘋果避過500億美元關稅清單同2,000億美元關稅清單，但嚟緊仲有2,670億美元嘅清單。蘋果有乜依郁，供應鏈會攬抄。
本港上市嘅蘋果供應商，有提供立體聲雙喇叭同觸控摩打嘅瑞聲（2018）、提供前置鏡頭嘅高偉（1415）、提供防水膠圈嘅通達（698）、提供連接器嘅鴻騰（6088）等。
舊年市況好景，加上iPhone問世十周年，瑞聲、高偉、通達、鴻騰拍住蘋果搵食，股價分別上升105.6%、43.7%、2.5%、93.9%；不過，今年市況逆轉，上述股份股價分別下跌51.6%、67.5%、45.9%、36.4%，食蘋果變食蕉！
貿易戰硝煙，遲早燒到蘋果，蘋果概念股掂唔過。事實上，港股跌到呢個位，大把藍籌大平賣，滙控（005）現價股息率6.1厘，高過內銀；不過，滙控被空軍狙擊，沽空比率達57%，股價或再尋底，睇定啲先。
割柑人
本欄逢周二刊出
留言 (0)
