吳思遠：郁啲就告　警匪片冇得拍

【蘋果日報】一直為案件四出奔走的香港電影工作者總會永遠榮譽會長吳思遠昨對上訴結果表示高興，「今次結果非常好，大家都好開心，今日比我中到六合彩仲高興，幾乎想喊，一手一腳由地方號召大家上訴，幾十人喺高院支持，顯示香港電影人團結」。吳又認為如果政府上訴，會令人反感。
吳思遠昨身在上海接受電話訪問，被問到會否擔心律政司將上訴到終院，吳指若政府繼續上訴，會令人反感：「我唔係印銀紙去使用、作奸犯科，係拍戲使用，同需要着警服、用槍同開槍、需要用道具錢一樣，你話一掂親就犯法，香港電影警匪片惟有唔拍。」
他表示將與各部門商討政府如何支持電影業，特別是拍警匪片會接觸及不少灰色地帶：「如果政府少少就告，就冇得拍。前幾日同（商務及經濟發展局長）邱騰華見咗面，要求政府做協調，約晒警方、金融管理局、地政署、房屋署，點樣可以拍到精采電影又唔俾佢告。」
另外，體育、演藝、文化及出版界立法會議員馬逢國亦歡迎上訴結果，但他稱注意到判決是基於原審裁決推論過程有問題，而不是裁定日後管有道具鈔不會犯法，故某程度上未能釋除業界疑慮。
馬逢國指裁決未釋疑慮
身兼香港電影發展局主席的馬逢國指，法例規定複製紙幣須向金管局申請，案件曝光後，他曾協助業界約見政府和金管局，各方對某些道具鈔規定已有共識，不過業界仍有其他訴求有待磋商。馬續指，未來商討範圍不只道具鈔票，還會涵蓋其他電影道具的法律要求，例如使用海關和入境處制服有特別規定。
■記者何永寧、勞東來