海翩滙入伙　天花空鼓嚴重

【蘋果日報】【驗樓直擊】華懋兩年前開賣的將軍澳海翩滙，試圖聘用著名承建商洗脫昔日交樓「得人驚」之污名。樓盤剛入伙，資深驗樓師詹濟南「詹sir」驗收10個單位，其中一個低層特色戶，3個房間天花全部空鼓，其中一個細房近乎整個天花空鼓，油漆手工亦被狠批。對樓盤想成為華懋洗底作，詹sir認為，只可說是踏上洗底之路的第一步。
平台圍牆玻璃崩裂
詹濟南驗收海翩滙一個售價近1,000萬元的低層特色戶，實用729方呎，3房連平台。詹sir先睇平台，發現兩塊圍牆玻璃崩裂，靠近公家喉牆身出現連環3塊空心磚，地磚有兩處崩裂。
徒弟光哥發現：「幾間房的天花『撲』（空心）得好犀利……」，詹sir覆檢，舉棍一敲後說：「真係好大鑊，真係唔得喎！」隔籬細房及主人房天花同樣嚴重空鼓。他相信，單位處低層，且承建商採金屬模板建築方式，板模油過多而未清理所致。另外油漆手工差，其他工種無大問題，單位80分。
華懋發言人回應，已委派建築承辦商即時跟進，大部份執修將於本月29日完成。而玻璃崩裂，因訂製玻璃需時，將盡快執修。