中電新協議　燃料費暴增　電費五年貴兩成

【蘋果日報】港府與中電簽訂的新一份《管制計劃協議》本月生效，電費即時加價2%，每度電淨電價由115.4仙增加至117.7仙，因地租及差餉特別回扣的退款料於2018年底用盡，明年起淨電費將增至118.8仙，增幅達2.9%。中電准許回報率由9.99%降至8%，但未來5年電費仍會年年加價，直到2023年的增幅將較現在多20.7%。有2人家庭現時繳交一期（雙月）1,875元電費，料下期賬單將會增約30多元，5年後電費或加至約2,236元。
記者︰李雨夢
鄧肯（化名）的2人家庭居於約240呎的公屋單位，今期電費賬單為$1,822，扣除上期結轉$53，實際需交電費為$1,875。該單位用電度數為1,513，鄧肯稱現時家裏最耗電的電器為冷氣機、抽濕機及空氣清新機，「咁高嘅用電量主要係因為呢半年養咗貓，同埋夏天又濕又熱，所以冷氣機會長開，可能每日超過20個鐘，空氣清新機因為養咗貓先買，每日開超過12個鐘，屋企冇洗衣機，但因為手洗完要喺廁所晾乾啲衫，所以又會成日開抽濕機，仲有儲水式熱水爐都係長開，印象中已經3個月無熄過。另外都會成日喺屋企煮飯，電飯煲、微波爐、焗爐、電磁爐都常用，電腦因為工作需要，基本上都唔熄」。
貓奴家庭料交逾$2,200
對於環境局向立法會申請87億撥款向每戶發放3千元津貼，鄧肯表示幫助不大，「每個月50蚊，好似拉返勻咁，但呢啲係一次性津貼冇乜幫助」。
環團「350香港」聯絡主任古偉牧替這2人家庭計算未來5年的電費加幅，在用電度數不變的情況下，10月電費加價時下一期賬單為$1,909，即時增加34元，但在明年地租及差餉特別回扣每度1.1仙的退款用盡後，2019年須繳交約$1,926電費，增加約50元。在未來5年電費有增無減的情況下，料2023年每期須交$2,236電費，較現時增幅多近兩成，每期多付約360元。然而，由於在新的《協議》下，燃料價將會按過去3個月的實際燃料平均價格，每月作出調整。
古偉牧指由10月起至明年年底，中電基本電費將由每度電94.5仙減至91仙，但因燃料價由現時每度電22仙增至27.8仙，故淨電價仍會於10月時增至117.7仙，「呢個2人家庭嚟緊嘅基本電費可能減50蚊，但燃料價加80幾蚊，所以最後都係會加咗30幾蚊」。