建制借題發揮欲收緊議規

【蘋果日報】立法會前議員黃毓民在議事廳向時任特首梁振英掟杯案上訴得直，獲法庭撤銷定罪及判刑，部份建制派議員對裁決顯得不滿，民建聯蔣麗芸更於社交網發文，斥若於議事堂掟杯可以無罪，日後議會必杯碟橫飛，甚至「掟飛鏢」、「小李飛刀都唔出奇」，建議再收緊議事規則；民主派批評有關言論「好冇常識」，直言「如果真係飛刀，我唔覺得會甩得到」，斥建制借題發揮想收緊議規。
蔣麗芸：掟小李飛刀都唔奇
法庭判黃毓民上訴得直，民建聯蔣麗芸隨即於facebook發帖，斥假如在議事廳掟杯無罪，他日議會內必有更激進行為，「可預見日後議會杯碟橫飛，甚至伸延到掟飛鏢，甚至小李飛刀都唔出奇！」蔣麗芸又認為，立法會必須盡快加強議事規則罰則，約束破壞議會秩序的行為。
民主黨立法會議員林卓廷批評蔣對判決的評論「好冇常識」，「依家係掟杯，唔係掟刀，（建制派）擺明係上綱上線」，又稱若真的有人在議事堂掟飛刀，「我唔覺得會甩（脫罪）得到」。林又提醒建制派細閱判詞，黃毓民上訴得直全因法官認為梁振英證供不可相信，而有關控罪又涉及令當事人恐慌，但當時梁神態自若，所以林卓廷相信，「任何人喺議事廳再做類似行為，如果林鄭真係驚，我睇唔到再甩嘅機會有幾大」。立法會秘書處回應裁決時稱，秘書處會一如以往維持場地秩序，確保會議暢順舉行。
■記者莫劍弦