新聞類別
娛樂
詳情#
【蘋果日報】新晉導演甄栢榮擅長拍攝奇幻題材，去年一部《救殭清道夫》令人驚喜，而首次獨立編導的新片《女皇撞到正》亦照辦煮碗加入奇幻情節，他說：「古仔可以完美到本身現實世界嘅不完美，我覺得幾有趣。」他更邀樂隊ToNick主音趙善恆（恆仔）唱主題曲《你好》。
撰文：羅慧敏
攝影：仇志德
甄栢榮執導的《女皇撞到正》講述一個充滿親情的感人故事，由周秀娜、張繼聰（阿聰）、葛民輝、邵美琪（Maggie）等主演，當中也加入了甄栢榮擅長的奇幻情節，他說：「我應承咗自己嘅親人，去做一啲感人嘅古仔，好想去做一次！首要條件要令人感動嘅係一定要笑咗先，如果大家愛上咗啲角色，覺得好笑，大家就會感動，我成個諗法係咁，之後同編劇一齊去創作。」
想拍殯儀業古仔
對於奇幻情節，甄栢榮直認情有獨鍾：「我好鍾意奇幻題材，以前老師成日問點解呢個世界需要電影，佢話古仔可以完美到本身嘅現實世界嘅不完美，我覺得幾有趣。」甄栢榮希望大家投入看戲時，可以離開一下現實世界，並在他帶領下走進他的電影世界。他一直想探討生死題材，但卻未夠膽，甄栢榮笑說：「依家半熟，當知道死亡係乜事，就更加知道活着應該做啲乜嘢，每次對呢類嘢都好深刻，其實我好想拍殯儀業嘅古仔。」
甄栢榮安排了一班喜劇演員參演《女皇撞到正》，他大讚出來效果不錯：「阿聰好主動，夜麻麻會同我傾古仔，我好鍾意咁樣，葛民輝、Maggie同吳耀漢三位前輩人馬，每次見我都會好緊張，我要做足功課，說服佢哋做我心目中嘅嘢，同時佢哋有好多input，冇諗過Maggie真係做得好好，佢好touch到我，有啲對白好難講，佢演繹得好舒服，我真係好想同佢繼續合作落去。」
成績係點唔在意
除了電影內容，甄栢榮也重視電影主題曲，今次他再邀恆仔合作，當然更有默契。事實上，二人去年曾一起執導《救殭清道夫》，恆仔更客串一角，今次恆仔只負責唱主題曲部份，甄栢榮謂單拖執導即有壓力，他說：「壓力係冇得同恆導一齊合作，好多嘢要自己解決，我想將訊息帶出嚟，成績係點我唔在意。」恆仔看過試片後非常有感覺，於是一齊寫了主題曲《你好》，恆仔說：「其實係好開心嘅，ToNick第一首MV我捉埋甄導演拍，中間大家有好多嘢唔使點講，大家經歷咗好多嘢，知道諗法。」甄栢榮笑言大家會用創作去交手，感覺如高手過招。
化妝、髮型：Kylah Chan Makeup and Art（恆仔）
服裝提供：Scotch and Soda、Levi's（恆仔）
撰文：羅慧敏
攝影：仇志德
甄栢榮執導的《女皇撞到正》講述一個充滿親情的感人故事，由周秀娜、張繼聰（阿聰）、葛民輝、邵美琪（Maggie）等主演，當中也加入了甄栢榮擅長的奇幻情節，他說：「我應承咗自己嘅親人，去做一啲感人嘅古仔，好想去做一次！首要條件要令人感動嘅係一定要笑咗先，如果大家愛上咗啲角色，覺得好笑，大家就會感動，我成個諗法係咁，之後同編劇一齊去創作。」
想拍殯儀業古仔
對於奇幻情節，甄栢榮直認情有獨鍾：「我好鍾意奇幻題材，以前老師成日問點解呢個世界需要電影，佢話古仔可以完美到本身嘅現實世界嘅不完美，我覺得幾有趣。」甄栢榮希望大家投入看戲時，可以離開一下現實世界，並在他帶領下走進他的電影世界。他一直想探討生死題材，但卻未夠膽，甄栢榮笑說：「依家半熟，當知道死亡係乜事，就更加知道活着應該做啲乜嘢，每次對呢類嘢都好深刻，其實我好想拍殯儀業嘅古仔。」
甄栢榮安排了一班喜劇演員參演《女皇撞到正》，他大讚出來效果不錯：「阿聰好主動，夜麻麻會同我傾古仔，我好鍾意咁樣，葛民輝、Maggie同吳耀漢三位前輩人馬，每次見我都會好緊張，我要做足功課，說服佢哋做我心目中嘅嘢，同時佢哋有好多input，冇諗過Maggie真係做得好好，佢好touch到我，有啲對白好難講，佢演繹得好舒服，我真係好想同佢繼續合作落去。」
成績係點唔在意
除了電影內容，甄栢榮也重視電影主題曲，今次他再邀恆仔合作，當然更有默契。事實上，二人去年曾一起執導《救殭清道夫》，恆仔更客串一角，今次恆仔只負責唱主題曲部份，甄栢榮謂單拖執導即有壓力，他說：「壓力係冇得同恆導一齊合作，好多嘢要自己解決，我想將訊息帶出嚟，成績係點我唔在意。」恆仔看過試片後非常有感覺，於是一齊寫了主題曲《你好》，恆仔說：「其實係好開心嘅，ToNick第一首MV我捉埋甄導演拍，中間大家有好多嘢唔使點講，大家經歷咗好多嘢，知道諗法。」甄栢榮笑言大家會用創作去交手，感覺如高手過招。
化妝、髮型：Kylah Chan Makeup and Art（恆仔）
服裝提供：Scotch and Soda、Levi's（恆仔）
回應 (0)
