新聞類別
港聞
詳情#
【蘋果日報】【特稿】
裂紋像藤蔓，橫刀破開老人腳下的水泥地。陳日君樞機退任教區主教後的安身之處──慈幼修院，立於柴灣道高點，本來幽靜寧謐，對面明華大廈的地基工程，卻意外地把院內鮑思高像前的土地無聲震裂。
老人惋惜，低頭嘆氣。
這裏山好水好，是隱修的好地方，像本篤十六世在梵蒂岡內隱修，他說
到時，你就不用來探我了。說着，看進記者的眼睛。
那些被視為堅穩牢固的物事，總是戛然而止，包括以為可以忠信一生的對象，包括曾經氣勢凌厲的「陳老虎」。
「教廷啲人好嬲我」
第一次因為不滿中梵協議而提到要隱修，大約是兩年前，那時陳日君仍不畏梵京路遙，時常晚機去，午機返，向長上進諫。經過前年大病，他的聲音仍然響亮，力氣卻卡在收窄的喉頭。
遠門就不再出了，他說。
在推崇包容的教會裏，提出相反意見的就是最大罪人，「本來都唔想公開講，因為好難堪㗎嘛，自己人鬧交呢，啲教友睇到唔舒服嘅，都好難受㗎。」但他沒有選擇，「做醜人，成日鬧交，依家年紀大，好想安安樂樂，但逼住嚟，唔講冇人講呀！」
「教廷啲人好嬲我，本來佢哋想靜靜雞簽（主教任命協議），依家爆晒出嚟，意大利文有句，將啲雞蛋打爛咗喇」。陳日君口中「教廷啲人」，有時包括好朋友教宗方濟各，有時不，「教宗都唔知好多情形㗎，最近嗰啲嘢，你哋掛喺教宗身上呀？唔係㗎嘛，佢哋冇聽教宗話㗎」。
出家人可能修過七情六慾的課，卻未必受過信心幻滅的試煉，包括被曾經親近的人背叛。
「我會消失，我點出嚟呀？要反對教宗呀？我唔會，哈哈哈，不過如果佢唔公開協議內容，我會繼續追住佢。」
一份歷史性的協議隨即臨到教會中間，在地裂已經無可抗拒的時代，陳日君希望以隱修來守住初心，也為了即將出版、有關中梵建交的小書而挑燈夜審，書名千錘百鍊，最終中選的是依撒意亞先知書──《為了熙雍，我決不緘默》，為大建交畫面，留下烽火註腳。
■記者張嘉雯
老人惋惜，低頭嘆氣。
這裏山好水好，是隱修的好地方，像本篤十六世在梵蒂岡內隱修，他說
到時，你就不用來探我了。說着，看進記者的眼睛。
那些被視為堅穩牢固的物事，總是戛然而止，包括以為可以忠信一生的對象，包括曾經氣勢凌厲的「陳老虎」。
「教廷啲人好嬲我」
第一次因為不滿中梵協議而提到要隱修，大約是兩年前，那時陳日君仍不畏梵京路遙，時常晚機去，午機返，向長上進諫。經過前年大病，他的聲音仍然響亮，力氣卻卡在收窄的喉頭。
遠門就不再出了，他說。
在推崇包容的教會裏，提出相反意見的就是最大罪人，「本來都唔想公開講，因為好難堪㗎嘛，自己人鬧交呢，啲教友睇到唔舒服嘅，都好難受㗎。」但他沒有選擇，「做醜人，成日鬧交，依家年紀大，好想安安樂樂，但逼住嚟，唔講冇人講呀！」
「教廷啲人好嬲我，本來佢哋想靜靜雞簽（主教任命協議），依家爆晒出嚟，意大利文有句，將啲雞蛋打爛咗喇」。陳日君口中「教廷啲人」，有時包括好朋友教宗方濟各，有時不，「教宗都唔知好多情形㗎，最近嗰啲嘢，你哋掛喺教宗身上呀？唔係㗎嘛，佢哋冇聽教宗話㗎」。
出家人可能修過七情六慾的課，卻未必受過信心幻滅的試煉，包括被曾經親近的人背叛。
「我會消失，我點出嚟呀？要反對教宗呀？我唔會，哈哈哈，不過如果佢唔公開協議內容，我會繼續追住佢。」
一份歷史性的協議隨即臨到教會中間，在地裂已經無可抗拒的時代，陳日君希望以隱修來守住初心，也為了即將出版、有關中梵建交的小書而挑燈夜審，書名千錘百鍊，最終中選的是依撒意亞先知書──《為了熙雍，我決不緘默》，為大建交畫面，留下烽火註腳。
■記者張嘉雯
留言 (0)
