新聞類別
港聞
詳情#
【蘋果日報】「冇佢就冇依家嘅我，呢種係緣份，而且係一世嘅。」7年前獲阿偉捐贈骨髓得以重生的足球女將阿山，現時從事康體管理工作，球場上這位足球女將司職後衞和翼鋒，要穩守也要突擊，生命中她與頑疾互有攻守。過去多年她5度尋找救命恩人，直至今年終獲紅十字會安排會面，當日她除親口道謝，還送上生命力頑強的仙人掌。
現年29歲的阿山，中學時一次暈倒撞傷送院縫針，揭發患上缺鐵性貧血症，需服補鐵丸。至升讀教育學院第1年她覆診時，確診患上再生障礙性貧血症。「呢個病令我血色素好低，冇白血球同血小板，輕輕撞親都會流血不止，試過刷牙搞到成口血，好似嘔血咁。」
阿山接受藥物治療但無大改善，只有等待骨髓移植重建造血功能，其間休學3年，不能運動，不能乘坐公共交通工具，更不能旅遊，亦不能吃最愛的雪糕，至2010年初，紅十字會終替她配對到合適骨髓進行移植。她以生命比喻足球賽，落場機會非人人有，一切得來不易，「病嗰陣想過放棄，但可以生存已經好好」。
「冇佢就冇今日嘅我」
作為家中獨女，阿山感激阿偉不止救她一命，還挽救整個家，過去多年一直希望找到這位救命恩人，「佢應該係我呢世人最積極搵嘅人。冇佢就冇今日嘅我」。手術前，阿山已寫心意卡給阿偉致謝，當時她不知對方姓名，心意卡只寫「有緣人」，「有想像過佢係咩人，淨係知係A型血男性，同埋係個好人」。其後亦收到阿偉回覆，最後手術順利完成。
手術後阿山定期覆診，確認骨髓造血功能正常，其間向醫生護士打聽捐骨髓救她的好心人，7年間她至少5次追尋，但都不得要領。直至今年兩人才獲安排相見，圓了阿山的心願。
移植阿偉捐出的骨髓後，阿山由原本的O型血變成捐髓者阿偉的A型血，更連體質也出現改變，竟然跟阿偉一樣出現嚴重鼻敏感，7年來天天打噴嚏，更多了生痱滋。早前兩人見面，阿偉得悉對方「同病相憐」後笑言：「佢好似變咗我嘅混合體。」本港血液及血液腫瘤科專科醫生梁憲孫指，由於受髓者接受了新骨髓，而捐髓者的免疫系統亦轉移至受髓者，包括敏感反應，因此受髓者亦可能出現敏感毛病。
■記者林穎嵐
現年29歲的阿山，中學時一次暈倒撞傷送院縫針，揭發患上缺鐵性貧血症，需服補鐵丸。至升讀教育學院第1年她覆診時，確診患上再生障礙性貧血症。「呢個病令我血色素好低，冇白血球同血小板，輕輕撞親都會流血不止，試過刷牙搞到成口血，好似嘔血咁。」
阿山接受藥物治療但無大改善，只有等待骨髓移植重建造血功能，其間休學3年，不能運動，不能乘坐公共交通工具，更不能旅遊，亦不能吃最愛的雪糕，至2010年初，紅十字會終替她配對到合適骨髓進行移植。她以生命比喻足球賽，落場機會非人人有，一切得來不易，「病嗰陣想過放棄，但可以生存已經好好」。
「冇佢就冇今日嘅我」
作為家中獨女，阿山感激阿偉不止救她一命，還挽救整個家，過去多年一直希望找到這位救命恩人，「佢應該係我呢世人最積極搵嘅人。冇佢就冇今日嘅我」。手術前，阿山已寫心意卡給阿偉致謝，當時她不知對方姓名，心意卡只寫「有緣人」，「有想像過佢係咩人，淨係知係A型血男性，同埋係個好人」。其後亦收到阿偉回覆，最後手術順利完成。
手術後阿山定期覆診，確認骨髓造血功能正常，其間向醫生護士打聽捐骨髓救她的好心人，7年間她至少5次追尋，但都不得要領。直至今年兩人才獲安排相見，圓了阿山的心願。
移植阿偉捐出的骨髓後，阿山由原本的O型血變成捐髓者阿偉的A型血，更連體質也出現改變，竟然跟阿偉一樣出現嚴重鼻敏感，7年來天天打噴嚏，更多了生痱滋。早前兩人見面，阿偉得悉對方「同病相憐」後笑言：「佢好似變咗我嘅混合體。」本港血液及血液腫瘤科專科醫生梁憲孫指，由於受髓者接受了新骨髓，而捐髓者的免疫系統亦轉移至受髓者，包括敏感反應，因此受髓者亦可能出現敏感毛病。
■記者林穎嵐
留言 (0)
