保育牛下　「走鬼」掃樓影鐵閘

【蘋果日報】除了復刻傳統影樓，Joel亦試過在牛頭角下邨清拆前做民間保育，包括逐家逐戶拍攝單位鐵閘，留待日後活化，他慨嘆香港官方保育「唔入流」，建議參考日澳台等地文物辦部門，以向普羅大眾展示為最終目的。
斥活化政策走樣
Joel回憶牛下2003年起逐步清拆，要趕在該大型屋邨消失之前做民間保育，除了和時間競賽，還要與保安展開「走鬼」攻防戰，「拆遷引起好多人關注，包括攝影記者同傳媒，可能騷擾到住客，一拎相機上樓實俾保安趕，之後我學識出蠱惑，扮親人扶婆婆上樓，去到最高層行返落去掃樓做紀錄，一有人投訴俾保安趕，又要重新等機會上樓」。
保育由小處着手，Joel尤對牛下單位的鐵閘花紋及顏色着迷，認為是反映香港基層的地道圖案，數年間拍攝數百款鐵閘，儲存數以千計的相片，再上載至電腦內變成藝術圖案，留待日後有心人活化重用。
現時牛下新邨設有數個玻璃櫃和展示廳，展出舊居文物或相片，Joel對於民眾只能隔着玻璃觀賞舊物的做法頗有微言，直言本港保育文物部門由政務官主理，導致活化政策走樣，當中和昌大押或1881古蹟商業化最為人詬病。
「好多時呢類文物復修落去半私人機構，商業化壞處係只會俾特定人士進入呢類古蹟空間，普羅大眾唔係消費者就唔可以參與，呢個係好差嘅前設，根本冇真正活化到」。他指日本、台灣及澳門的古蹟辦官員均具備專業資格，甚至是熱愛文物的愛好者，完成活化後開放予所有人參觀，達致活化古蹟空間目的。
「香港話50年不變箒，官員唔會50年都唔進步，我希望佢哋會改進」。