DQ馮檢基成兩大隱憂

【蘋果日報】【拆局】劉小麗獲差不多全體民主派支持下，正式宣佈參加11月九西補選。有民主派中人指，與上次姚松炎出戰九西補選比較，民主派今次更加團結、不論部署及準備亦較上次好，但他認為有兩大隱憂要面對，包括劉小麗會否被DQ，以及馮檢基一旦參選，除了鎅票問題外，會否將攻擊矛頭指向民主派候選人。
憂馮主攻Plan B
該民主派人士分析，他們對劉小麗可能被DQ雖早有準備，但始終會對整個選舉工程有一定影響，「其實依家宣傳已經係小麗拍住李卓人一齊做，但始終有DQ可能性存在，諗選舉工程一定要兼顧埋」，所以劉小麗傾向提名期第一日就報名，「等政府少個藉口，拖到提名期結束都唔確認佢參選資格」，另外他們也要考慮Plan B報名時間，「係咪到提名期最後一日，政府仲確認小麗參選資格先報名，定提早幾日報定先？」
另外，他們亦關注馮檢基參選做成的影響，「呢個唔只係佢（馮檢基）鎅票咁簡單」。另一民主派人士稱，從馮近日言論看，「佢參選只有一個目的，就係要打民主派嘅Plan B」，所以不少民主派人士也憂慮，馮出選不但不會打擊建制候選人，反而會全力打民主派Plan B人選，「結果民主派候選人變成畀人左右夾擊，一方面畀建制打，另一面又畀所謂民主派人士打」，同時亦會令選民對民主派團結有負面觀感，「（馮檢基）變相幫建制一齊打民主派」。
■記者莫劍弦