陳淑莊質疑內地法律界線模糊

【蘋果日報】本身是大律師的一地兩檢關注組召集人陳淑莊（圖）表示，內地口岸區執行內地法律，但內地法律「講幾闊、幾大，係啲乜嘢呢？就冇清晰界定，對市民嚟講就只係得一句，就係跟足中國法律，但中國法律係乜嘢呢就唔知，你跟乜嘢呢？」這與深圳灣口岸區清楚列明具體執行的香港法例不同。
她指，不排除在民事上會出現重叠，甚至可能有一些罪行在內地口岸區屬於中國法律，但在香港屬民事訴訟，「如誹謗，有人喺內地口岸區係咁侮辱我、鬧鬧鬧，我要告佢誹謗，喺香港我告佢民事，但喺內地被視為鬧事，可以用內地刑事法例行政拘留」。
上fb或犯法
另一關注是上網問題，陳淑莊指，如在內地口岸區網上瀏覽一些被內地當局視為敏感的內容，「你可以用返網絡供應商睇到你睇到嘅facebook等，但問題係喺內地口岸區睇嗰啲嘢係犯法，人哋都拉得我，甚至喺手機下載咗一篇文章或者一本禁書，你搜查發現可以話我搞乜獨都得。」
陳又指，「內地口岸區連運行緊嘅列車都係，雖然你仍然喺香港，我係用嗰啲接收，用緊嗰啲睇，但我睇緊嘅訊息係違反咗中國法律，我可能已經出咗事」。
■記者謝明明