新聞類別
港聞
詳情#
【蘋果日報】【雷曼爆煲10周年專題（三之三）】再踏進金管局的「北房」（North Room）——國金中心二期55樓5502室，李令翔與雷曼苦主大聯盟首次開會的地方，已淡忘的記憶，霎時元神歸位：「感慨返番晒嚟……我當時應該坐呢張凳（一入門口左邊數過來第三張），甘乃威（立法會前議員）坐對面條柱嗰張。」
記者：劉美儀
難忘日誌，還有陪同當時老闆任志剛（金管局前總裁）出席立法會8小時聆訊後，再披星戴月回辦公室，準備翌日公佈百分百存保制的48小時無間斷工作回憶。
2008年，李令翔時任金管局銀行拓展部助理總裁，職責包括存款保障、證券法規及支付監管，「以往無咩發市」，一發市便成為處理雷曼爆煲受害者投訴的最前線財金官員：「啱啱坐正喺個三煞位。」
世紀海嘯，突然掩至。「當時星期六、日（9月13及14日）未知佢爆煲……到佢真係倒閉時，已經係下星期一（9月15日）嘅事。」當月下旬，李令翔代表金管局，與苦主大聯盟在「北房」首次會面，「梗係群情洶湧，記得佢哋嚟到樓下200幾人，上嚟（開會代表）3、40人」。
兩個多小時的會，由天光開到天黑，受害者情緒本已非常激動，聽完他講解金管局職責範圍、與證監會分工及調查程序後，因與預期有落差，眾人更是火上加油。會面完畢，他還要落樓到國金大堂，接受守候多時的傳媒提問。
經此一役，李令翔三字便與迷債糾結劃上等號。「壓力當然好大啦，因為每個人嚟金管局都搵李令翔……每日有苦主喺樓下等我，經過國金大堂，每次幾乎都有苦主發出嚴苛嘅指摘」。
人非草本，受害者們擔心畢生積蓄消散，對住官員自然怒火中燒。「仲記得有位女苦主指住我鬧：狗官！我即場話，處理投訴係我職責所在，但我唔可以接受咁樣嘅侮辱」。後來那位女士成為受害者代表，反過來協助維持秩序。
「有無人可以彈我唔公道呢？」
有否心噏過同情過受害者？「好肯定一定會有」，但李令翔指，同情並非關鍵，重要是如何執法梳理事件，態度要心平氣和，耐心聆聽，手法是四個字：秉公處理！
「你可以彈我慢，但你哋有無人可以彈我唔公道呢？」他接見了所有受害者代表，「每次會面數以十或百計……加加埋埋見咗上萬人次。」隨着事態推進，該局不斷更新訊息公告天下，「大家建立咗關係，溝通亦越嚟越平和」。
回望那段激盪歲月，李令翔坦言有噓聲有罵聲，亦有得着有感恩，包括要多謝每次開會幫手維持秩序的受害者代表領導，「佢哋聯盟亦有聯盟嘅好處，呢樣嘢我諗要同佢哋講聲多謝！」
另一個要鳴謝的是發揮心靈解憂店功效為他減壓紓困的星爺。「大家都知我係周星馳迷，星爺陪伴呢代人成長，貢獻非常之大……《唐伯虎點秋香》、《九品芝麻官》，我經常重溫，每次睇都會笑，好好嘅減壓工具，當年（處理投訴時）一定有睇，我喺度都要多謝星爺一聲」。2011年首季，16間迷債分銷銀行終與抵押品接管人羅兵咸永道達成大和解協議，逾3萬名迷債受害者，最多收回約96%本金。
由銀行回購迷債，方案為受害者提供了套現機會，「迷債所得嘅回購比率相當唔錯……如果冷靜啲睇件事，係咪要睇得咁悲觀呢？要去到大家鬥生鬥死嘅階段呢……好似1991年國商銀行倒閉，人人以為自己唔見晒所有錢，瞓電車路㖭，到最後係100%攞返存款」。
往事並未如煙，十年過去，中環街頭，仍有零星受害者播放錄音，聲討賠償。雷曼遠去，但新的風暴會否又悄悄來襲？
記者：劉美儀
難忘日誌，還有陪同當時老闆任志剛（金管局前總裁）出席立法會8小時聆訊後，再披星戴月回辦公室，準備翌日公佈百分百存保制的48小時無間斷工作回憶。
2008年，李令翔時任金管局銀行拓展部助理總裁，職責包括存款保障、證券法規及支付監管，「以往無咩發市」，一發市便成為處理雷曼爆煲受害者投訴的最前線財金官員：「啱啱坐正喺個三煞位。」
世紀海嘯，突然掩至。「當時星期六、日（9月13及14日）未知佢爆煲……到佢真係倒閉時，已經係下星期一（9月15日）嘅事。」當月下旬，李令翔代表金管局，與苦主大聯盟在「北房」首次會面，「梗係群情洶湧，記得佢哋嚟到樓下200幾人，上嚟（開會代表）3、40人」。
兩個多小時的會，由天光開到天黑，受害者情緒本已非常激動，聽完他講解金管局職責範圍、與證監會分工及調查程序後，因與預期有落差，眾人更是火上加油。會面完畢，他還要落樓到國金大堂，接受守候多時的傳媒提問。
經此一役，李令翔三字便與迷債糾結劃上等號。「壓力當然好大啦，因為每個人嚟金管局都搵李令翔……每日有苦主喺樓下等我，經過國金大堂，每次幾乎都有苦主發出嚴苛嘅指摘」。
人非草本，受害者們擔心畢生積蓄消散，對住官員自然怒火中燒。「仲記得有位女苦主指住我鬧：狗官！我即場話，處理投訴係我職責所在，但我唔可以接受咁樣嘅侮辱」。後來那位女士成為受害者代表，反過來協助維持秩序。
「有無人可以彈我唔公道呢？」
有否心噏過同情過受害者？「好肯定一定會有」，但李令翔指，同情並非關鍵，重要是如何執法梳理事件，態度要心平氣和，耐心聆聽，手法是四個字：秉公處理！
「你可以彈我慢，但你哋有無人可以彈我唔公道呢？」他接見了所有受害者代表，「每次會面數以十或百計……加加埋埋見咗上萬人次。」隨着事態推進，該局不斷更新訊息公告天下，「大家建立咗關係，溝通亦越嚟越平和」。
回望那段激盪歲月，李令翔坦言有噓聲有罵聲，亦有得着有感恩，包括要多謝每次開會幫手維持秩序的受害者代表領導，「佢哋聯盟亦有聯盟嘅好處，呢樣嘢我諗要同佢哋講聲多謝！」
另一個要鳴謝的是發揮心靈解憂店功效為他減壓紓困的星爺。「大家都知我係周星馳迷，星爺陪伴呢代人成長，貢獻非常之大……《唐伯虎點秋香》、《九品芝麻官》，我經常重溫，每次睇都會笑，好好嘅減壓工具，當年（處理投訴時）一定有睇，我喺度都要多謝星爺一聲」。2011年首季，16間迷債分銷銀行終與抵押品接管人羅兵咸永道達成大和解協議，逾3萬名迷債受害者，最多收回約96%本金。
由銀行回購迷債，方案為受害者提供了套現機會，「迷債所得嘅回購比率相當唔錯……如果冷靜啲睇件事，係咪要睇得咁悲觀呢？要去到大家鬥生鬥死嘅階段呢……好似1991年國商銀行倒閉，人人以為自己唔見晒所有錢，瞓電車路㖭，到最後係100%攞返存款」。
往事並未如煙，十年過去，中環街頭，仍有零星受害者播放錄音，聲討賠償。雷曼遠去，但新的風暴會否又悄悄來襲？
留言 (0)
