新聞類別
娛樂
詳情#
【蘋果日報】
張國榮（哥哥）噚日62歲冥壽，唐鶴德（唐唐）對至愛念念不忘，噚日凌晨喺社交網晒對方生日舊相，兼留言：「生日快樂」。雖然哥哥已離世15年，但唐唐依然對佢不離不棄，每年哥哥生忌同死忌，都會喺社交網貼相悼念，內地藝人胡軍亦有轉發呢張相片同留言：「懷念！」蔡一傑就貼出同哥哥嘅合照：「Leslie Happy birthday miss you much！」
麥秋成拍MV
除咗唐唐惦念哥哥，鄭敬基、李日朗同歐瑞偉等早排都為咗紀念哥哥，特別拍咗個《912 We Miss You Much》MV向哥哥致敬，排舞師麥秋成亦都將哥哥嘅經典金曲《Stand Up》重新編舞，拍攝新版MV向前輩致敬，由佢自己做MV男主角，女子組合As One成員陳嘉茵（Kayan）做女主角，麥秋成話：「哥哥9月12日生日，我希望將呢個MV送畀佢，同時向香港嘅廣東跳舞歌致敬。」另外，鄭俊弘噚日到商台宣傳，提到哥哥係佢偶像：「首先要講哥哥（張國榮）生日快樂，今日出碟好榮幸。」
撰文：馮仁昭
張國榮（哥哥）噚日62歲冥壽，唐鶴德（唐唐）對至愛念念不忘，噚日凌晨喺社交網晒對方生日舊相，兼留言：「生日快樂」。雖然哥哥已離世15年，但唐唐依然對佢不離不棄，每年哥哥生忌同死忌，都會喺社交網貼相悼念，內地藝人胡軍亦有轉發呢張相片同留言：「懷念！」蔡一傑就貼出同哥哥嘅合照：「Leslie Happy birthday miss you much！」
麥秋成拍MV
除咗唐唐惦念哥哥，鄭敬基、李日朗同歐瑞偉等早排都為咗紀念哥哥，特別拍咗個《912 We Miss You Much》MV向哥哥致敬，排舞師麥秋成亦都將哥哥嘅經典金曲《Stand Up》重新編舞，拍攝新版MV向前輩致敬，由佢自己做MV男主角，女子組合As One成員陳嘉茵（Kayan）做女主角，麥秋成話：「哥哥9月12日生日，我希望將呢個MV送畀佢，同時向香港嘅廣東跳舞歌致敬。」另外，鄭俊弘噚日到商台宣傳，提到哥哥係佢偶像：「首先要講哥哥（張國榮）生日快樂，今日出碟好榮幸。」
撰文：馮仁昭
回應 (0)
