新聞類別
財經
詳情#
【蘋果日報】中美貿易戰牌局，特朗普不停加大注碼，「大」中國2,000億美元之後，又「大」多2,670億美元。中港股市俾佢「大」到，周一攬住碌低超過1%。貿易戰之外，市場亦擔心「新興市場疫症」（emerging market contagion）蔓延，加上息魔張爪，恐怕資金會由新興市場撤走。
近排新興市場跌市，市場歸咎走資，實情係點？根據EPFR數據，資金上半年傾向流入新興市場，6月先至轉向。又睇吓IIF數據，今年以嚟，資金主要流入中國同新興市場，尤其中國，流入速度更係過去4年最快，8月先至放緩。新興市場跌市，主要唔係走資，咁就意味包括2017年流入嘅大量資金被套，一旦呢啲資金走頭，會好大鑊。姑勿論走資堅定流，新興市場資金流入銳減係不爭嘅事實。無錢，就無運行。
股市氣氛轉差，資金聚焦低估值傳統股份。我傾向業務同派息穩健嘅股份，因防守性較強。50隻藍籌股中，派息歷年都有增加嘅有5隻，包括騰訊（700）、領展（823）、長建（1038）、長實（1113）同友邦（1299），但面對股市尋底，騰訊、領展、長實回購都頂唔住。
派息年年增加，派息比率又點？上述5隻都唔係「雙增」。以過去3年計，派息同派息比率雙增嘅有8隻，包括電能（006）、信置（083）、吉利（175）、中信（267）、萬洲（288）、恒安（1044）、潤地（1109）同平保（2318）；當中恒安同潤地更係過去5年都雙增。以股息率計，恒安現價預測息率為3.6厘，潤地則為4.7厘。要注意嘅係，恒安盈利受原料價格影響，例如木漿漲價；潤地則受政策影響，例如房產稅加快立法。就算派息同派息比率雙增，都未必值博。
都係嗰句，大市見熊，寧可錯過，唔好做錯。
割柑人
本欄逢周二刊出
近排新興市場跌市，市場歸咎走資，實情係點？根據EPFR數據，資金上半年傾向流入新興市場，6月先至轉向。又睇吓IIF數據，今年以嚟，資金主要流入中國同新興市場，尤其中國，流入速度更係過去4年最快，8月先至放緩。新興市場跌市，主要唔係走資，咁就意味包括2017年流入嘅大量資金被套，一旦呢啲資金走頭，會好大鑊。姑勿論走資堅定流，新興市場資金流入銳減係不爭嘅事實。無錢，就無運行。
股市氣氛轉差，資金聚焦低估值傳統股份。我傾向業務同派息穩健嘅股份，因防守性較強。50隻藍籌股中，派息歷年都有增加嘅有5隻，包括騰訊（700）、領展（823）、長建（1038）、長實（1113）同友邦（1299），但面對股市尋底，騰訊、領展、長實回購都頂唔住。
派息年年增加，派息比率又點？上述5隻都唔係「雙增」。以過去3年計，派息同派息比率雙增嘅有8隻，包括電能（006）、信置（083）、吉利（175）、中信（267）、萬洲（288）、恒安（1044）、潤地（1109）同平保（2318）；當中恒安同潤地更係過去5年都雙增。以股息率計，恒安現價預測息率為3.6厘，潤地則為4.7厘。要注意嘅係，恒安盈利受原料價格影響，例如木漿漲價；潤地則受政策影響，例如房產稅加快立法。就算派息同派息比率雙增，都未必值博。
都係嗰句，大市見熊，寧可錯過，唔好做錯。
割柑人
本欄逢周二刊出
留言 (0)
