《造星》狗毛冇錢畀屋企

【蘋果日報】「小背心」許靖韻前男友羅啟聰（狗毛）參加ViuTV《全民造星》節目，參賽時與團隊表演時就太自我，被批評博搶鏡。狗毛接受本報專訪時，透露會重看節目檢討：「原本覺得自己好大愛，但以第三身睇番，好多不足。一齊表演，無啦啦發脾氣，用觀眾角度睇番自己更清楚，我太自我嘅原因，係因為檢討能力低，對於搶fo，搶咗就算，我唔係有心，提醒原來咁樣好核突，要學習控制。」
狗毛希望自己做好給母親看：「玩音樂未必賺到好多錢畀屋企，甚至乎冇錢畀屋企，發覺想請阿媽飲餐茶都唔夠錢，阿媽見過我喺商場聲演，佢同我講，我唔係咁差，知我做音樂做得好辛苦，未必可以搵到食，有冇諗過做其他嘢，唔好咁硬頸做死一樣嘢。」
採訪：卓寶花
攝影：沈健程