大肚Coffee旅行坐輪椅代步

【蘋果日報】林芊妤（Coffee）陀B八個月，雖然她之前自爆有胎盤前置問題，醫生曾提醒要多休息。不過Coffee上周和老公飛完首爾後，前日又再飛沖繩。昨日更在Ig story放旅行相，相中見她坐在輪椅上與老公行山。
身在沖繩的Coffee透過短訊回覆：「其實我哋去咗一個叫首里城嘅地方，因為要行十幾分鐘上去，行行吓我覺得有啲辛苦，老公就叫我坐喺輪椅上，都係嗰度嘅設施，俾有需要嘅人用。」不過她有派定心丸並表示：「全部都有問醫生先做，佢叫我唔好坐長途飛機啫，短程可以，而且34周先唔好飛，仲有成個月，我依家係可以飛，同埋我哋會租車。」
採訪：小米