新聞類別
娛樂
詳情#
【蘋果日報】王菀之應PMQ元創方邀請，將參與「Smart Fashion Runway 2018」，日前與策展人黃馨接受訪問，二人大談穿衣的個人美學，同樣愛創作、用衣服表達自己性格和心情，不隨波逐流，不讓潮流拉扯鼻子，就算有時被品評，二人亦懶理，繼續穿出自我風格。
撰文：王連連
攝影：陳慧安
堅持自我風格，可能未必個個接受，偶然也會被批評，王菀之稱尤其做幕前，被批評的機會較高，但不影響個人選擇，因她認為「人着衫不是衫着人」，不要把潮流變成束縛：「又真係有啲同其他人選擇唔同，但我覺得冇乜所謂，想表達乜就着。有時睇心情，諗起如果着開某啲素色嘅衫，但有一日就好想揀開心嘅顏色，會跟自己心情。有好多時因為要跟工作，有時會純表達心情。」
傳統留畀美女
曾做幕前的黃馨也堅持穿自己喜歡的，「有時唔到你揀，我都想性感，但冇胸點性感，想着露嘅嘢，但唔好睇，有時唔到我哋揀。」黃馨從小到大都貪靚，品味往往與眾不同：「我鍾意怪、鍾意與眾不同，亦好開心咁多年有唔同牌子喜歡畀衫我哋着，我覺得衫係表達方式，我係一個點樣嘅人，透過打扮講到當下心情，我覺得對於我哋嚟講，時裝並唔係潮流，潮流留喺王菀之嘅音樂或我做展覽先至考慮。一個設計師有冇原創性或者概念，其實係我哋會比較珍惜嘅事。」
黃馨指自己由幕前到做幕後都堅持跟隨自己喜好：「我哋覺得舒服同靚大於一切，好似我今日着呢件衫，啲人可能會諗做乜着性感睡衣出街，我係聽唔到。正如王菀之喺演唱會甚至冇眉，我哋會覺得好靚，但其他人覺得會怪，審美準則係自信先係最靚，乜嘢令我哋有自信心，去做就最靚，唔好咁傳統啦。傳統嘢留番畀傳統美女做，我又唔係港姐。」
創作帶來靈感
「Smart Fashion Runway 2018」由PMQ元創方舉辦，策展人黃馨想透過十個小故事組合成一個表演，從視覺上更能凸顯設計師的服裝設計。她和製作團隊傾談後覺得王菀之是本地藝人之中，對創作和時裝觸覺最有代表性的人，於是便邀請她擔任嘉賓，鼓勵一班本地時裝設計師。
作為唱作人的王菀之，很尊重和珍惜創作的事：「我好珍惜尊重creative呢樣嘢，無論音樂、視覺或時裝，由本地新設計師去做，我本身鍾意創作，有機會支持同見識，有時睇人哋嘅作品，會為自己創作帶來靈感。」她期待在時裝騷中，會找到一些適合的設計，將來放在音樂會上：「有啲本地設計師嘅作品好出色，令自己開心雀躍，因為好多本地創作都唔會抄外國人，有自己嘅風格同諗法。」
化妝：Janice Tao of Zing Make up School
髮型：Kate Shek of Hair Culture
撰文：王連連
攝影：陳慧安
堅持自我風格，可能未必個個接受，偶然也會被批評，王菀之稱尤其做幕前，被批評的機會較高，但不影響個人選擇，因她認為「人着衫不是衫着人」，不要把潮流變成束縛：「又真係有啲同其他人選擇唔同，但我覺得冇乜所謂，想表達乜就着。有時睇心情，諗起如果着開某啲素色嘅衫，但有一日就好想揀開心嘅顏色，會跟自己心情。有好多時因為要跟工作，有時會純表達心情。」
傳統留畀美女
曾做幕前的黃馨也堅持穿自己喜歡的，「有時唔到你揀，我都想性感，但冇胸點性感，想着露嘅嘢，但唔好睇，有時唔到我哋揀。」黃馨從小到大都貪靚，品味往往與眾不同：「我鍾意怪、鍾意與眾不同，亦好開心咁多年有唔同牌子喜歡畀衫我哋着，我覺得衫係表達方式，我係一個點樣嘅人，透過打扮講到當下心情，我覺得對於我哋嚟講，時裝並唔係潮流，潮流留喺王菀之嘅音樂或我做展覽先至考慮。一個設計師有冇原創性或者概念，其實係我哋會比較珍惜嘅事。」
黃馨指自己由幕前到做幕後都堅持跟隨自己喜好：「我哋覺得舒服同靚大於一切，好似我今日着呢件衫，啲人可能會諗做乜着性感睡衣出街，我係聽唔到。正如王菀之喺演唱會甚至冇眉，我哋會覺得好靚，但其他人覺得會怪，審美準則係自信先係最靚，乜嘢令我哋有自信心，去做就最靚，唔好咁傳統啦。傳統嘢留番畀傳統美女做，我又唔係港姐。」
創作帶來靈感
「Smart Fashion Runway 2018」由PMQ元創方舉辦，策展人黃馨想透過十個小故事組合成一個表演，從視覺上更能凸顯設計師的服裝設計。她和製作團隊傾談後覺得王菀之是本地藝人之中，對創作和時裝觸覺最有代表性的人，於是便邀請她擔任嘉賓，鼓勵一班本地時裝設計師。
作為唱作人的王菀之，很尊重和珍惜創作的事：「我好珍惜尊重creative呢樣嘢，無論音樂、視覺或時裝，由本地新設計師去做，我本身鍾意創作，有機會支持同見識，有時睇人哋嘅作品，會為自己創作帶來靈感。」她期待在時裝騷中，會找到一些適合的設計，將來放在音樂會上：「有啲本地設計師嘅作品好出色，令自己開心雀躍，因為好多本地創作都唔會抄外國人，有自己嘅風格同諗法。」
化妝：Janice Tao of Zing Make up School
髮型：Kate Shek of Hair Culture
回應 (0)
