新聞類別
財經
詳情#
【蘋果日報】是日期指結算，可歌可泣的八月終於要完了。恒指先跌1,000點之後彈1,200，再插1,800點，跟住又升番1,700點，重倉者，兩次洗倉肯定嚇到泣不成聲；但輕倉者，在近日的急反彈中冇乜受惠， 亦都係一殼眼淚，最悲慘的，應該是月頭看好，月尾看淡，或在洗倉之時被洗走，左一巴右一巴，打走的不只是盈利，更是操盤的信心。
道路安全都有教落，跟車太貼易生意外，相信應用在這幾個月的市，係好應景。如果戰友不是市場人士，在無工作需要之下，近期真係唔適合日日睇市，貿易戰新消息每天都有，侵侵的推文隨時對沖了昨晚美股的表現，阿爺隔個星期五又出手救市，即使你有國際視野，都唔一定估到下一步點行。
個市chok上chok落，最忌就係奢求自己可以走兩轉，今個月上落兩次，可以睇吓身邊的有冇神人，可以贏足四轉，高手在民間，都唔係冇可能嘅。差一點的成就便是跑贏指數，恒指暫時微跌，如果你個倉在八月係正數，真係恭喜你呀，相信你應該贏在一直輕倉應市，在跌到反艇之時適量撈底，心理壓力細自然食得盡反彈浪，贏牙骹又羸錢，青冰畀十個叻你。重倉者，相信經過月中的波動，倉位未必有能力保正數，因為除騰訊（700）外，汽車股、教育股、醫藥股、手機股及物管股，這些板塊在8月仍是負數。
經過八月的密集業績期後，市場應該對各板塊有更深的理解，高估值的股份失去增長光環後，要再吸引資金入場，的確較難，反而受政策及個別整頓秩序的，如教育股及醫療股，擇強而噬應不會錯。下周五收市後恒指成份股更新，更值得留意嘅係港股通都會正式納入新貴，雖然現時已有候選名單，但按經驗滬深交易所不會照單全收，所以都要揀嚟買，雖然北水的影響力已大不如前，但內房及物管一向受愛戴，小注博下都無妨嘅。
青冰
http://fb.com/chingbing888
本欄逢周四刊出
道路安全都有教落，跟車太貼易生意外，相信應用在這幾個月的市，係好應景。如果戰友不是市場人士，在無工作需要之下，近期真係唔適合日日睇市，貿易戰新消息每天都有，侵侵的推文隨時對沖了昨晚美股的表現，阿爺隔個星期五又出手救市，即使你有國際視野，都唔一定估到下一步點行。
個市chok上chok落，最忌就係奢求自己可以走兩轉，今個月上落兩次，可以睇吓身邊的有冇神人，可以贏足四轉，高手在民間，都唔係冇可能嘅。差一點的成就便是跑贏指數，恒指暫時微跌，如果你個倉在八月係正數，真係恭喜你呀，相信你應該贏在一直輕倉應市，在跌到反艇之時適量撈底，心理壓力細自然食得盡反彈浪，贏牙骹又羸錢，青冰畀十個叻你。重倉者，相信經過月中的波動，倉位未必有能力保正數，因為除騰訊（700）外，汽車股、教育股、醫藥股、手機股及物管股，這些板塊在8月仍是負數。
經過八月的密集業績期後，市場應該對各板塊有更深的理解，高估值的股份失去增長光環後，要再吸引資金入場，的確較難，反而受政策及個別整頓秩序的，如教育股及醫療股，擇強而噬應不會錯。下周五收市後恒指成份股更新，更值得留意嘅係港股通都會正式納入新貴，雖然現時已有候選名單，但按經驗滬深交易所不會照單全收，所以都要揀嚟買，雖然北水的影響力已大不如前，但內房及物管一向受愛戴，小注博下都無妨嘅。
青冰
http://fb.com/chingbing888
本欄逢周四刊出
留言 (0)
