吳卓羲攰爆揸車鏟上壆

【蘋果日報】劉心悠、吳卓羲、艾威、廖啟智、尹光及莊端兒，前晚在尖沙嘴出席電影《再見．女人街》煞科宴。心悠早前開工皮膚敏感，她說是因為化妝流汗引起：「拍戲時夜班多，搞到皮膚同健康都唔好，好彩成件事好順利完成，之前皮膚科醫生開咗類固醇藥畀我，食完塊臉有啲腫，應該大約一個星期就可以好。」
心悠表示為拍《宮心計2深宮計》試過最多三日沒有睡覺，在TVB時已訓練有素的吳卓羲聞言就取笑她：「如果七日都捱唔到就冇得撈，當時得個軀殼冇靈魂同對手做戲，試過一次凌晨4點同劉松仁拍最後一場戲，拍到第三個take講第一個字已經要NG，導演叫我返屋企休息，揸車經大老山隧道，行50km，攰到瞌眼瞓鏟上壆。」
採訪：黃曉妍
攝影：仇志德