商業公寓任買　要一炮過付款

【蘋果日報】早前玩Bitcoin大賺一筆的筆華棋（圖），眼見虛擬貨幣大插水，故用那筆錢轉投惠州樓，以120萬元買了一間約600呎單位，「百幾萬喺香港車位都未必買到，我發覺好多親戚朋友都有買就留意吓，覺得近市中心，都唔錯」。他正是經紀所說那班寧願丟空單位也不出租的投資者。
筆華棋又說：「我買嘅叫商業公寓，幾時賣都得，摸貨都得，我唔出租可能24個月、36個月冇回報，但配套好，高鐵通車，睇吓升幅會點囉。」他指這種商業公寓不限售，要買多少都可以，但缺點是要一炮過付款。
做保險及移民顧問的Wilson，認為買樓花要等入伙才能找租客，加上收租又怕遇上租霸，寧買大灣區佛山車位。「可以馬上收租，又唔使裝修，回報有兩、三厘又會升值，大灣區樓一年升兩成幾，我估車位都有。我其實諗過喺深圳買，不過原來香港人唔買得，其他地方買嘅又只係使用權，感覺唔實在」。