Karen羨慕歐鎧淳入娛圈

【蘋果日報】【夏娃兒】現年23歲的賴嘉瑩（Karen）是排球員兼模特兒，去年參加選美進軍娛樂圈，因一雙小眼睛以及神韻與姚子羚相似，有翻版姚子羚之稱，Karen說：「好多人都話我嘅眼神同笑容同姚子羚係好相似，似佢咁靚我梗係開心，不過我覺得自己有個人風格。」
近年不少香港運動員勇闖娛樂圈，Karen坦言羨慕歐鎧淳運動和娛樂圈事業雙線發展。稍後她會接受美人魚選美挑戰，Karen說：「游水對於我嚟講唔難，本身識，但要做到美人魚技巧就要訓練，美人魚靠魚尾擺動去游水，仲要訓練呼吸，以我所知基本要一分鐘喺水入面，呢個我要再練習，比賽中有個潛水課程，完成後會考到一個潛水牌，一舉兩得。」
採訪：卓寶花
攝影：葉君海