新聞類別
娛樂
詳情#
【蘋果日報】李佳芯（Ali）、龔慈恩女兒林愷鈴（Ashley）、陳嘉寶、徐濠縈、賴慰玲同陳柏宇太太符曉薇等噚日到金鐘出席Shiseido彩妝活動。李佳芯依家喺劇集入面飾演一個平民，去睇番殺手世界，雖然唔使演打鬥，但就成日俾人打。講到電視廣播公佈半年純利有增長，想唔想加人工？李佳芯話：「我依家OK，保持住好嘅工作效率就夠，希望各方面福利更好，好似派錢、又或者人人加兩日年假。」至於《TVB周刊》公佈轉為網上版，或會有人事變動，佢話會擔心同事。
李佳芯同男朋友陳炳銓屢傳結婚，早前有傳媒向陳炳銓求證，男方聽到就話接唔住，李佳芯解釋：「有次活動安排粉絲求婚，我話現實生活唔使搞咁多嘢，啲記者問返佢，我今年同下年嘅plan都係拍劇，冇諗呢樣嘢。」男友陳炳銓對婚事話接唔住，會唔會失望？李佳芯就話：「我好重咩？」李佳芯又話依家恨錢多過恨嫁，以前想28歲結婚，依家唔會畀期限自己
Ashley入港大
同場Ashley趁暑假出動賺外快，下月佢會入讀香港大學選修建築，係佢第一選擇，選讀IB（國際預科文憑）課程嘅佢話今年考獲嘅成績係預計當中。問到媽咪龔慈恩有冇獎勵？佢話：「媽咪對我成績係放手，冇乜嘢要求，我讀書考試時仲成日拉我去玩。」佢簽咗經理人加入娛樂圈發展，今個暑假有參與微電影拍攝工作，佢話：「本身有打算去外國讀書，但鍾意演藝事業，又入到香港大學唔捨得走。」
撰文：馮仁昭
李佳芯同男朋友陳炳銓屢傳結婚，早前有傳媒向陳炳銓求證，男方聽到就話接唔住，李佳芯解釋：「有次活動安排粉絲求婚，我話現實生活唔使搞咁多嘢，啲記者問返佢，我今年同下年嘅plan都係拍劇，冇諗呢樣嘢。」男友陳炳銓對婚事話接唔住，會唔會失望？李佳芯就話：「我好重咩？」李佳芯又話依家恨錢多過恨嫁，以前想28歲結婚，依家唔會畀期限自己
Ashley入港大
同場Ashley趁暑假出動賺外快，下月佢會入讀香港大學選修建築，係佢第一選擇，選讀IB（國際預科文憑）課程嘅佢話今年考獲嘅成績係預計當中。問到媽咪龔慈恩有冇獎勵？佢話：「媽咪對我成績係放手，冇乜嘢要求，我讀書考試時仲成日拉我去玩。」佢簽咗經理人加入娛樂圈發展，今個暑假有參與微電影拍攝工作，佢話：「本身有打算去外國讀書，但鍾意演藝事業，又入到香港大學唔捨得走。」
撰文：馮仁昭
回應 (0)
