受害人轟金管局卸責

【蘋果日報】警方搗破尖沙嘴一個冒充銀行職員的倫敦金詐騙集團，今年6月曾被同一集團騙去35萬元的前大學講師陳女士，對警方迅速拉人坦言感恩，不過她相信騙徒會「無限復活」，偷換概念又繼續行騙。她憤慨地表示，監管機構甚至警方都難以將騙徒治罪，「大家都互相推卸責任，金管局更厲害，話直情冇法例去規管倫敦金呢三個字！」
擬入稟追討損失
陳女士至今仍對自己墮入騙局感到驚訝及不快，幸得親友協助走出低谷，她形容行騙集團是專業的商業罪犯，「呢班人有法律知識、有銀行知識，唔係一般冇知識嘅90後，我教咗10幾年書，做咗10幾年商業嘢，如果你問我到底呢班人點出嚟，I have no idea！」
雖然她對於能否追討35萬元損失不感樂觀，但她仍會嘗試透過小額錢債審裁處申索，並呼籲其他受害人應勇敢站出來指證詐騙公司，以免更多人受騙。此外，陳女士建議當局應加重此類詐騙罪行的罰則以起阻嚇作用，「要令有罪嘅人坐監，否則只會令佢哋以為可以瞞天過海」。
■記者金敏琍、姜偉康