新聞類別
娛樂
詳情#
【蘋果日報】岑麗香早前宣佈離無綫，女神買少見少，有傳33歲的她打算懷孕做媽咪，令不少男fans大受打擊！不過，香香未有懷孕，結婚兩年以來，對造人是採取隨緣態度，不急於做媽咪，畢竟她依然享受工作帶來的樂趣。
少女萌
香香日前在粉嶺拍攝離巢後首個廣告，當日狀態甚勇，穿上熱褲大騷42吋美腿，更不時嘟嘴賣萌，儘管已為人妻，卻散發青春少女味，勁索！
香香當日早於凌晨4時出發到拍攝場地，難得拍到下午依然精神奕奕，談到轉會後即接到廣告，她開心地說：「今次幫護膚品牌拍廣告，係開心價，同拍劇唔同。好多時拍廣告好仔細，有好多人照顧，同埋一定拍得靚，呢個係開心事，對白又少好多。不過有關肌膚嘅對白要記，冇咁口語化，返咗加拿大兩個月，我啲廣東話差咗，所以都要努力去記。」不過比起拍劇，香香覺得拍廣告只有幾句對白，可以擺多些心機去做到更靚、更舒適的感覺。
自由大
香香09年參加華裔小姐入行，12年憑劇集《巴不得媽媽》中「香香公主」一角上位，翌年拍《貓屎媽媽》已榮升女主角，其間一直受無綫重用。今年6月，她在社交網宣佈離巢，上月加盟好姊妹李亞男的老公王祖藍旗下公司「手工藝創作」。離開無綫後，她先返回加拿大休息兩個月，充完電再返港工作。
對於現時的老闆是祖藍，香香坦言合作自由度比以前大很多：「呢個合作形式，我覺得有多啲時間休息，因為平時拍劇好密好密，又要追劇本，每隔幾日七、八十版中文字劇本要睇，對我嚟講會辛苦。」良禽擇木而棲，香香有祖藍幫手，要打入內地市場不難，更何況她向來甚有觀眾緣。
畀上天
好友李亞男懷孕當媽媽，香香對此坦言十分感動：「一直陪住朋友成長，感覺好幸福同感動，大家一齊同行，可能佢早我少少啦，唔緊要，總之見到都好開心。」是否加緊造人？她說：「呢啲嘢唔逼得，交畀上天，我會努力，大家放心。」
撰文︰卓寶花
攝影：林賓尼
少女萌
香香日前在粉嶺拍攝離巢後首個廣告，當日狀態甚勇，穿上熱褲大騷42吋美腿，更不時嘟嘴賣萌，儘管已為人妻，卻散發青春少女味，勁索！
香香當日早於凌晨4時出發到拍攝場地，難得拍到下午依然精神奕奕，談到轉會後即接到廣告，她開心地說：「今次幫護膚品牌拍廣告，係開心價，同拍劇唔同。好多時拍廣告好仔細，有好多人照顧，同埋一定拍得靚，呢個係開心事，對白又少好多。不過有關肌膚嘅對白要記，冇咁口語化，返咗加拿大兩個月，我啲廣東話差咗，所以都要努力去記。」不過比起拍劇，香香覺得拍廣告只有幾句對白，可以擺多些心機去做到更靚、更舒適的感覺。
自由大
香香09年參加華裔小姐入行，12年憑劇集《巴不得媽媽》中「香香公主」一角上位，翌年拍《貓屎媽媽》已榮升女主角，其間一直受無綫重用。今年6月，她在社交網宣佈離巢，上月加盟好姊妹李亞男的老公王祖藍旗下公司「手工藝創作」。離開無綫後，她先返回加拿大休息兩個月，充完電再返港工作。
對於現時的老闆是祖藍，香香坦言合作自由度比以前大很多：「呢個合作形式，我覺得有多啲時間休息，因為平時拍劇好密好密，又要追劇本，每隔幾日七、八十版中文字劇本要睇，對我嚟講會辛苦。」良禽擇木而棲，香香有祖藍幫手，要打入內地市場不難，更何況她向來甚有觀眾緣。
畀上天
好友李亞男懷孕當媽媽，香香對此坦言十分感動：「一直陪住朋友成長，感覺好幸福同感動，大家一齊同行，可能佢早我少少啦，唔緊要，總之見到都好開心。」是否加緊造人？她說：「呢啲嘢唔逼得，交畀上天，我會努力，大家放心。」
撰文︰卓寶花
攝影：林賓尼
回應 (0)
