新聞類別
副刊
詳情#
【蘋果日報】在周星馳電影《喜劇之王》中，哪一個角色令你印象最深刻？尹天仇、柳飄飄、杜娟兒、洪爺？還是臨記阿頭霞姨呢？電影自1999年上映後，那班參加「喜劇之王訓練班」的學員已各散東西，當中李思捷、林子善加入娛樂圈拼搏至今，偏偏形象深入民心的「霞姨」，卻消失得無影無蹤。
「息影」將近20年，近日霞姨再次現身於一個月餅廣告，不單令人懷念，還勾起大家的集體回憶。這天《蘋果》終於找到霞姨真身，眼前的她，一頭短髮，深色長袖恤衫配襯深黑色牛仔褲，在廟街近公廁的占卜檔口，她正在整理檔口的枱椅，即使你是《喜劇之王》fans，走過檔口看到也認不出來她就是霞姨。霞姨甫坐下便說︰「我冇做霞姨好耐，我叫阿B。」
撰文：羅婉玲
攝影：葉君海
但求與星爺合照
回帶到從前，20來歲的阿B參加「喜劇之王訓練班」，原動力只為影一張合照，「我純粹係因為偶像周星馳，我只係想見吓佢真人影張合照，報紙登咗個好大嘅訓練班廣告，咪走去排隊interview，到我面試都唔知要準備啲乜，問我準備咗乜，我話有嘅有嘅，其實係冇，我咪瞓落地拉住導演李力持隻腳話︰『你收我啦！你收我啦！』」
順利成為訓練班一員後，最初被派演群戲中的舞女，由於要化濃妝，當時正職做保險的阿B不太方便，她向當時《喜》片統籌田啟文（田鷄）提出，「有冇啲唔使化濃妝，擔擔抬抬都冇問題。隔咗一日，叫我上公司試鏡，當時仲有林子善、李思捷同Sunny哥，叫我哋做番嗰段中六合彩、老婆生仔、阿仔死咗嘅戲，唔知點解要我哋喊，我又喊得出。」之後阿B被派演霞姨一角，「人哋畀個角色你做，咩角色都好，仲唔（舌累）飯應，托塔都得啦！總之有得參與，同偶像朝夕相對就得。」
那時與子善、思捷，甚至女主角張柏芝，大家相處沒分彼此，「我哋成班都係新人，又係同學仔，大家相處得好開心，一齊拍戲、做宣傳對住幾個月，冇一個人會蝦你，大家有講有笑。」眾人中，阿B唯一聯絡至今的只有田雞，阿B形容跟對方亦師亦友。
這位「一戲演員」，沒想過到今時今日，沒有被淡忘「霞姨」一角。人生不用多，一次她已很滿足，「冇諗過會持續咁耐，當時有人同我講︰『畀個角色你做，醒你！』我都唔明點解。演路人甲乙丙，邊有朵，但你有朵喎！幾多人恨都恨唔到，自己冇預料到，但求有參與。」霞姨這角色，隨着《喜》片完結，她也完結。「點解唔做呢行？一睇就知冇才華，又冇身材，咁多同學叻過我咁多，自己已經好幸運，由始至終我都係為咗張合照，其他都係bonus。」
採訪︰羅婉玲
攝錄︰林德雄、廖達燊、張家倫
「息影」將近20年，近日霞姨再次現身於一個月餅廣告，不單令人懷念，還勾起大家的集體回憶。這天《蘋果》終於找到霞姨真身，眼前的她，一頭短髮，深色長袖恤衫配襯深黑色牛仔褲，在廟街近公廁的占卜檔口，她正在整理檔口的枱椅，即使你是《喜劇之王》fans，走過檔口看到也認不出來她就是霞姨。霞姨甫坐下便說︰「我冇做霞姨好耐，我叫阿B。」
撰文：羅婉玲
攝影：葉君海
但求與星爺合照
回帶到從前，20來歲的阿B參加「喜劇之王訓練班」，原動力只為影一張合照，「我純粹係因為偶像周星馳，我只係想見吓佢真人影張合照，報紙登咗個好大嘅訓練班廣告，咪走去排隊interview，到我面試都唔知要準備啲乜，問我準備咗乜，我話有嘅有嘅，其實係冇，我咪瞓落地拉住導演李力持隻腳話︰『你收我啦！你收我啦！』」
順利成為訓練班一員後，最初被派演群戲中的舞女，由於要化濃妝，當時正職做保險的阿B不太方便，她向當時《喜》片統籌田啟文（田鷄）提出，「有冇啲唔使化濃妝，擔擔抬抬都冇問題。隔咗一日，叫我上公司試鏡，當時仲有林子善、李思捷同Sunny哥，叫我哋做番嗰段中六合彩、老婆生仔、阿仔死咗嘅戲，唔知點解要我哋喊，我又喊得出。」之後阿B被派演霞姨一角，「人哋畀個角色你做，咩角色都好，仲唔（舌累）飯應，托塔都得啦！總之有得參與，同偶像朝夕相對就得。」
那時與子善、思捷，甚至女主角張柏芝，大家相處沒分彼此，「我哋成班都係新人，又係同學仔，大家相處得好開心，一齊拍戲、做宣傳對住幾個月，冇一個人會蝦你，大家有講有笑。」眾人中，阿B唯一聯絡至今的只有田雞，阿B形容跟對方亦師亦友。
這位「一戲演員」，沒想過到今時今日，沒有被淡忘「霞姨」一角。人生不用多，一次她已很滿足，「冇諗過會持續咁耐，當時有人同我講︰『畀個角色你做，醒你！』我都唔明點解。演路人甲乙丙，邊有朵，但你有朵喎！幾多人恨都恨唔到，自己冇預料到，但求有參與。」霞姨這角色，隨着《喜》片完結，她也完結。「點解唔做呢行？一睇就知冇才華，又冇身材，咁多同學叻過我咁多，自己已經好幸運，由始至終我都係為咗張合照，其他都係bonus。」
採訪︰羅婉玲
攝錄︰林德雄、廖達燊、張家倫
回應 (0)
