余德丞：醒番先知咁嚴重

【蘋果日報】余德丞本月初因踢波昏迷被送入瑪麗醫院，一度危殆，幸好情況已經好轉，目前在心臟科病房接受治療。昨日余德丞在社交平台錄音報平安，中氣十足的他直言今次可以大步檻過，覺得非常幸運，衷心多謝大家。
余德丞說：「其實醒番之後先知道原來件事幾嚴重，因為我昏迷時候，原來個心都停咗一段幾長嘅時間，所以能企得番起身，同大家傾偈真係好好彩，依家我慢慢康復，精神都好咗多好多，講嘢都清楚咗，當然，醫生都建議要留院多一段時間，check清楚身體係咪OK先可以出院。」其後余德丞更新社交網多謝全香港人：「希望可以快啲出院食餐好同飲珍珠奶茶。」
撰文：唐琛悠