單座位謝絕女伴

【蘋果日報】黃翊身為「大埔之友」，平日和太太買餸出入均一人一部綿羊仔代步，不少大埔街坊都見慣二人拍拖出巡。早在考獲電單車牌前，黃翊已認識電單車行老闆光哥，他憶述：「我好鍾意呢度好多古董電單車，第一次嚟好好招呼，又介紹我唔同車款，後來知我未考到牌，就直接話考到牌先再嚟搵佢。」
考牌後的黃翊，擁有過多部車，但都不合他心水，後來揀中Yamaha Dragstar，立即交由光哥着手改裝，成為他最喜歡的單座位Bobber style。只有單座位，豈不是連太太都趕絕？他說：「本身架車已經好吸睛，好多靚女都會吸埋嚟，但奈何得一個位，所以老婆好放心，況且平時兩公婆出街，我可以揸老婆架綿羊仔一齊出去。」