【娛樂人物】黃翊自由Take

【蘋果日報】黃翊入行逾20年，轉行在大埔墟開大牌檔，最近重踏台板，並於10月舉行演唱會。他表示打理生意及準備個唱增添不少壓力，揸電單車除可紓壓，兜風時更可感受無拘無束的自由氣息。
現年50歲的黃翊86年參加《第5屆新秀歌唱大賽》入行，後轉行經營大牌檔，最近復出樂壇，並於10月23日假九展舉行「最愛的你演唱會」。個唱舉行在即，忙於為演出做準備的黃翊，日前現身大埔一間經常光顧的電單車行接受《蘋果》專訪，分享唱歌和做生意以外，最愛的駕駛電單車樂趣。
搵刺激感覺
事實上，黃翊近年才考獲電單車牌，他說：「以前一直揸私家車，後來發覺好悶，想搵番刺激心跳嘅感覺，所以就去考電單車，最後當然係一take過搞掂。」但他覺得最重要是在過程中，成功薰陶太太，現夫婦二人皆以電單車代步，經常一人一車遊車河，感受無拘無束的自由氣息。
黃翊坦言平日打理生意及準備演唱會的忙碌，已經帶來無窮的壓力感，驅車在路上馳騁，亦是一種減壓方法：「我唔係飛車，老實講揸得好慢㖭！但當你揸住電單車，就會感受到嗰份自由，一路行一路有風吹埋嚟嗰種感覺好正，揸私家車絕對感受唔到。」
八個月改裝
談起自己的愛車，黃翊就滔滔不絕，他說：「我一向都好鍾意美式巡航車，最有代表嘅梗係Harley Davidson，記得嗰時同埋老婆去睇車，我睇中嗰架成20萬，老婆見到個價錢差啲要攞刀『行』我走，唔畀我做儍事。」最終黃翊購入日系Yamaha巡航車，並委託車行老闆進行長達八個月的改裝，將愛車改頭換面，變成個人最喜歡的Bobber style，由顏色、油缸及座位皆是他親自挑選，黃翊興奮道：「架車係收藏品，平日我會用綿羊仔代步，但放假又好天就會揸出去兜風。」
撰文：曹家誠
攝影：沈健程
場地提供：合平電單車