經濟學者：遊客可能啱用啲

【蘋果日報】若港鐵（066）入閘機提供信用卡支付方式，究竟香港市民會否仍然使用八達通？對行為經濟學素有研究的城市大學經濟及金融系客座助理教授曾國平認為，八達通相較信用卡仍有優勢。
曾國平指出，經濟學視乎成本效益，「市民慣咗喺巴士、7仔、港鐵用八達通，而且速度好快，加上歷史悠久，長住喺香港嘅人除非有着數啦，否則冇動機轉其他支付工具，遊客可能會啱用啲」。
八達通稱霸小額支付
他又說：「喺香港慢少少都俾人鬧，信用卡？慢過八達通就冇人用。」有人認為信用卡對儲積分有幫助，「八達通都有信用卡自動增值」。
信用卡與八達通是兩種不同支付習慣，前者是「先使未來錢」，後者是「先儲值後使錢」。在香港，小額支付由八達通稱霸，但大至數百元的交易，香港人則慣用信用卡，曾國平說：「香港人生活節奏唔同，美國使幾蚊都用信用卡，香港碌卡簽賬，就會畀人覺得阻住地球轉。」