專家：不宜撈底　250元才合理

【蘋果日報】騰訊（700）股價今日料將再遇沽壓，但多位基金經理建議不宜撈底。中投傲揚基金經理溫鋼城表示，「感覺股價未跌完。內地打壓遊戲，《王者榮耀》冇咗以前光環，騰訊失去最大嘅增長引擎，冇辦法再有高估值。如果以30倍市盈率計，股價可能要去到250元先合理。」
沈振盈：不利因素仍多
中環資產投資副總裁陳嘉銓亦認為，騰訊收入中，佔最大部份的遊戲收入前景不明朗，目前只能觀望，「『食雞』遊戲遲遲唔可以收費，公司連時間表都冇，實在好難估幾時可以撈底」。
由年初一直看淡的訊匯證券行政總裁沈振盈則指，「其實業績係差，但意料之內，唔係真係想像中差到咁離譜」。他表示，騰訊網絡遊戲業務第二季收入為252.02億元，環比跌12%，但同比錄升6%，「呢條數咁係合理㗎，因為通常第二季係會差啲，呢個亦都係預期」。他指自己年初已預期騰訊會跌至320元，現時外圍股市亦已到目標價，但市場可能過度反應，可以考慮短線博反彈。但他認為騰訊不利因素仍多，年底有機會見300元。
■記者黃尹華