毀電箱斷網絡　700戶「陷孤島」

【蘋果日報】今次被九巴撞毀的電箱屬電訊盈科，主要供應寨乪及白牛石兩村居民，亦是附近唯一一間鋪設網線的電訊商，昨早陸續有居民發現寬頻上網及固網電話受影響，料涉及近700戶，有村民稱暫時靠手機上網，但該村位置偏僻，部份手機網絡不佳，猶如處身孤島，大感不便。
寨乪村村長鍾先生指，昨早陸續有村民反映無法上網及打固網電話，下午已向到場搶修的電訊公司員工了解，獲回覆指由於損毀嚴重，加上天雨影響，最快今早恢復網絡，「搞到成條村冇晒網絡，小朋友上唔到網做暑假作業，大人用唔到寬頻睇節目，好唔方便」。
鍾先生形容情況罕見，「電箱擺喺行人路，邊估到咁大架巴士撞埋去」，惟有待工作人員盡快搶修，他只能勸村民盡量忍耐。另一村民鍾先生指，剛收工回家獲悉電箱被掃毀，影響寬頻上網，「只能靠手機同外界聯繫，咁都冇計」。
■記者溫瑞麟