大專生見暑期工　被誘做按摩師接客「嚇到個心爆炸」

【蘋果日報】踏入暑假，網上充斥大量搵快錢招聘廣告，部份更標明DSE生優先。《蘋果》發現有按摩店透過手機Apps以高薪聘請接待員，待樣貌俊朗的「小鮮肉」應徵，即引誘他們做按摩技師提供性服務。有大專生見工時獲告知要幫男性口交，嚇得即時離開；《蘋果》記者放蛇見工時，經理游說記者可介紹技師賺取佣金，聲稱每月佣金隨時過萬元。
記者：張軍　龔蕙芝　李啟發
「我個心爆炸咁樣，嚇死我！我做receptionist（接待員）咋喎，你依家叫我同啲麻甩佬blow job（口交）？」22歲大專生張同學猶有餘悸。上月初，他經通訊軟件Telegram加入「職場新人搵工谷」群組，發現有僱主招聘會所接待員，月薪1.8萬元，吸引他應徵。
面試前轉地點收手機
張同學曾私訊查詢公司名稱，對方僅稱「見工前會話你知」，並指示張到尖沙嘴亞士厘道一幢大廈面試，但面試前一刻對方來電通知改到附近大廈進行，「神秘到好似交贖金咁，好古怪」。到達後，張同學始發現原來是一間按摩店，環境昏暗，點有幾支蠟燭，數名男顧客正排隊等候，按摩師則全男班，更聽到房間發出奇怪聲響。
根據張偷錄的對話內容，經理直言：「有時可能都要接客，按摩之餘呢，就有少少額外服務嘅，都係hand job（手淫）呀嗰啲。」該名經理更指如欲獲取更高報酬可替客人口交，張被嚇得不知所措，「成層就係得佢一間舖，叫救命都冇人聽到」。當他表明不願接客後，另一名較年長的經理入房，要求他交出手機，張再度拒絕後遭趕走。
為揭穿按摩店真面目，《蘋果》記者放蛇見工，如張同學所言，見工當日店方臨時着記者到附近另一幢大廈會面，上址是一間按摩店，以服務男士為主，技師大多是年輕男子。
記者進去後由一名穿短褲的半裸嫩男接待，「見工要收一收手機」。之後由經理介紹接待員的工作內容，包括需安排技師給客人，亦需在網上論壇發帖宣傳，若帖文反應良好會有額外佣金。
介紹朋友入職可分佣
經理又指，接待員可介紹朋友當技師，若被介紹者獲聘，會視乎其外貌、表現及客人反應等釐訂佣金。技師每次接客，介紹人也可獲分佣金，「假設你唔返工時佢（技師）有返工都照計」，他舉例指，最普通按摩服務收費400元，介紹人可分得30元至100元佣金，若按摩師大隻、靚仔，介紹人更可分得服務費的兩成半至四成作為佣金，每月佣金可過萬元。
該名經理續指，技師毋須懂得按摩，但需外出服務，包括離島及澳門，亦可能需過夜，每半小時收費1,000至3,000元。他又表示技師亦會接女顧客，除了按摩亦需陪客人唱K、落bar，或者陪食飯，每次約有500元小費。他透露按摩店於去年10月開業，旺角亦有分店，尖沙嘴店每日約有10多名客人。