【娛樂人物】李龍基葉振棠陳浩德　貪歌癮

【蘋果日報】今年67歲的李龍基最近與葉振棠、陳浩德首次合作，宣佈下月齊齊開騷。李龍基自言喜歡唱歌多過拍戲，今次會連開三場，演唱會主題為「三生有幸」，陳浩德笑言︰「三個老生有幸喺埋一齊。」但李龍基不認同，他說︰「乜三個老生，我哋係青年、小生。」
撰文︰羅婉玲
攝影︰葉君海
李龍基曾經是無綫的「御用皇帝」，03年遇無綫減薪裁員，無奈被離職，事隔十五年，監製梅小青誠邀他回巢拍劇《宮心計2深宮計》，飾演唐睿宗李旦，可謂吐氣揚眉過足戲癮。他說︰「離開TVB之後，我都有拍ATV嘅劇，戲癮都有㗎！今次係小青搵我，雖然拍得辛苦，但出嚟嘅效果好好。」
六層樓收租
當年離開無綫，猶幸李龍基有本錢到內地登台，又密密在深圳買樓收租，現在有六層樓收租的他，已不用為生活奔波，工作反而是「最緊要好玩」，所以唱歌及拍劇，他寧願揀前者︰「因為拍劇好辛苦，同埋收入又少。」問他最近是否連舞台劇也有演出？他說：「乜都玩吓，試吓箒！拍劇事實上真係好辛苦，同埋較為困身，演唱會就唔同，即場有反應好開心，同埋唱歌係我嘅老本行，始終鍾意唱歌多啲。」被取笑唱歌收錢快時，他不諱言︰「係呀！咁當然有好嘅角色都會考慮，但暫時嚟講，逍遙自在啲好啲，唔想受人束縛。」
昔日，李龍基飾演過歷代皇帝，連閻羅王都演過，卻偏偏無緣演跟他名字發音相同的唐玄宗李隆基，他自嘲︰「係囉！講親李隆基都係講佢後生時嘅故事，可能我個樣冇說服力。」
已經一頭白髮的基哥，自爆18歲就白髮，他指着自己的頭髮說︰「5蚊染一條，染白嘅。我18歲就有白頭髮，可能係遺傳老竇，我大佬都係，想顯得後生咪去染黑囉，我就畀真面目人哋睇，白頭髮都唔知幾有型。」基哥這份自信，就是他長青的秘訣。