三個老生的歌

【蘋果日報】葉振棠和陳浩德都是前輩級歌手，二人和李龍基加起來超過200歲，不過依然充滿活力扎扎跳，要合作開騷絕對難不到他們。今年73歲的葉振棠表示︰「年齡唔係問題，最緊要心境係後生仔。」李龍基接着說︰「我哋三個健康地活着，如果唱晒我哋三個啲歌，可能要下晝兩點鐘開始唱。」
養生要開心
活了半世紀，談養生之道時均異口同聲表示最緊要活得開心，更發現唱歌有助養生，因為唱歌有如練氣功，葉振棠說︰「我明年就入行50年，會搞個紀念騷，錢財係身外物，人開心健康就得，最緊要唔好負累屋企人。」他除了自小有視力問題，二十年前開始亦有三高︰「三高咗好耐，97年已經有，我老竇有血糖問題，五兄弟有四個中招。」至於64歲的陳浩德，一星期會打幾日golf，保持心境年輕，他更爆李龍基鍾情玩遙控機和航拍機︰「佢隻隻機都幾萬元。」
三人年輕時都有夾band玩樂器，演唱會當然會即席露一手，陳浩德說︰「我可以打鼓，棠哥玩bass，基哥彈結他，得喎！棠哥都話可以留番開part2。」提到他們的飲歌，陳浩德直言︰「梗係《分飛燕》啦，好多後生仔都唔知係我唱。」至於棠哥的飲歌，當然是《忘盡心中情》，他說︰「當年係我好大嘅轉捩點，時至今日邊個角落，呢首歌都係最受歡迎。」而經常唱電視劇主題曲的李龍基，首本名曲就是麗的年代的劇集《巨星》。