楚原出山叫人隨心而活

【蘋果日報】導演楚原在今年的第37屆香港電影金像獎獲頒終身成就獎，當時他在台上一番說話，振奮不少人心。前晚在一個攝影品牌的短片中，再發現楚原叔的身影。在短片中全程由楚原叔自白：「我係楚原，今年85歲，我有一個好精采嘅人生，人生呢份劇本，出場有時、入場有時、歡喜有時、愁悶有時。時光飛逝，轉瞬暮年，唔好等到兩鬢星星如我、滿眼黃葉秋風，先至去珍惜人生啊！你應該早啲隨心而活，享受人生。」
楚原叔前晚接受《蘋果》訪問，他中氣十足說：「係咩？我都未睇過，等我老婆返嚟叫佢開畀我睇。」問他會否出山？他說：「我都唔知，不過今次幾鍾意嗰樣嘢，所以咪做。」至於身體狀況，楚原叔就話：「Very good！」
採訪：唐琛悠