經濟客飯：食店員工如廁唔洗手

【蘋果日報】早前到高級商場借廁所一用，見身邊某餐館的廚房員工小解完畢，未有洗手就一支箭跑了出去，好瀟洒。慶幸我那天不是幫襯那間餐館，又或者客觀點講，慶幸我沒有在廁所碰到後來幫襯另一間食肆的員工。
我想提出一個「洗手假說」：若果食肆自設廁所，員工和顧客共用，由於員工在廁所內碰到多是在幫襯的顧客，被投訴機會較大，行為會稍為檢點一些，會真洗手或至少扮洗手；若果食肆要用商場廁所，又或同一層多個商戶共用一個廁所，員工在廁所內碰到的多半不是顧客，行為自然比較豪放，可能開大都同你珍惜食水，然後親自為你煮或遞上一碟菜。
這個假說，有待去廁所經驗豐富或從事飲食業的朋友印證。
講開廁所，我真心覺得香港的廁所在世界大城市之中算是非常污穢。去過不少裝潢精美、價錢貴的食肆，一入廁所就唔開胃，不是一陣強勁的「阿摩尼亞」味，就是一地垃圾水漬。印象最深刻的一次是在某頗具規模的酒店，先望見幾個廁格內散佈著深啡色的「史蹟」，正想嘔之際，再發現原來該層廁所停水，顧客和員工想洗手都唔得。與此同時，酒店的幾間餐廳在那一層照常營業……。
曾國平
美國維珍尼亞理工大學經濟系副教授
http://fb.com/economics3.0/
本欄逢周五刊出