新聞類別
財經
詳情#
【蘋果日報】
經過五窮、六絕、七無翻身之後，8月上周開局，港股三日唔見近千點，雖然本周一反彈143點，仍未收復28000關。鬼咩，貿易戰沒完沒了，人民幣得個弊字！美國總統特朗普每隔幾日就對中國發嘴砲，阿爺講「奉陪到底」都講到攰。
喺人民幣兌美元在岸價低見6.8972，離岸價低見6.9127之際，央媽出手維穩，將外滙風險準備金率由0恢復至20%，令沽空成本大增。人民幣隨即反彈，守6.84、6.85關。央媽2015年9月都用過呢招遏制「空軍」，但只遏得住一個月，人民幣又跌過，今趟捱得幾耐呢？
4月以嚟，人民幣由6.3關退至6.9關，貶值近8%。6.9係咪「政策底」？睇CFETS人民幣滙率指數更有啟示。央媽出手之時，該指數為92.69。近排每當該指數接近舊年低位92.26，就有中資大行拋出美元賣盤，抑制跌勢。92.26正係央媽舊年5月引入逆周期因子前嘅低位，似係底線。
人民幣反彈雖然有利港股短線反彈，但貿易戰升溫，A股尋底，中長線仍難樂觀。大市睇情緒，個股睇業績，八月係業績期，即管試吓尋寶。藍籌股中，長和（001）、長實（1113）上周四打頭陣，兩者業績都交到貨，但股價各走各路，長實連續兩日破底，衰咩？大行降目標價！
本周輪到中電（002）、滙控（005）、恒生（011）放榜。單睇滙恒母子，阿媽業績對辦，阿仔更加搶眼。
以現價計，滙控股息率5.5厘，恒生3.3厘，睇落阿媽吸引啲；不過，睇埋股本回報率（ROE），滙控為8.7%，按年持平，恒生為17.4%，按年升2.8個百分點，就阿仔吸引啲。滙控表明維持全年派息51美仙不變，恒生則有望增加，話晒上半年純利增近三成，值得憧憬，可秤先啲。
割柑人
本欄逢周二刊出
割柑人
經過五窮、六絕、七無翻身之後，8月上周開局，港股三日唔見近千點，雖然本周一反彈143點，仍未收復28000關。鬼咩，貿易戰沒完沒了，人民幣得個弊字！美國總統特朗普每隔幾日就對中國發嘴砲，阿爺講「奉陪到底」都講到攰。
喺人民幣兌美元在岸價低見6.8972，離岸價低見6.9127之際，央媽出手維穩，將外滙風險準備金率由0恢復至20%，令沽空成本大增。人民幣隨即反彈，守6.84、6.85關。央媽2015年9月都用過呢招遏制「空軍」，但只遏得住一個月，人民幣又跌過，今趟捱得幾耐呢？
4月以嚟，人民幣由6.3關退至6.9關，貶值近8%。6.9係咪「政策底」？睇CFETS人民幣滙率指數更有啟示。央媽出手之時，該指數為92.69。近排每當該指數接近舊年低位92.26，就有中資大行拋出美元賣盤，抑制跌勢。92.26正係央媽舊年5月引入逆周期因子前嘅低位，似係底線。
人民幣反彈雖然有利港股短線反彈，但貿易戰升溫，A股尋底，中長線仍難樂觀。大市睇情緒，個股睇業績，八月係業績期，即管試吓尋寶。藍籌股中，長和（001）、長實（1113）上周四打頭陣，兩者業績都交到貨，但股價各走各路，長實連續兩日破底，衰咩？大行降目標價！
本周輪到中電（002）、滙控（005）、恒生（011）放榜。單睇滙恒母子，阿媽業績對辦，阿仔更加搶眼。
以現價計，滙控股息率5.5厘，恒生3.3厘，睇落阿媽吸引啲；不過，睇埋股本回報率（ROE），滙控為8.7%，按年持平，恒生為17.4%，按年升2.8個百分點，就阿仔吸引啲。滙控表明維持全年派息51美仙不變，恒生則有望增加，話晒上半年純利增近三成，值得憧憬，可秤先啲。
割柑人
本欄逢周二刊出
割柑人
回應 (0)
