新聞類別
財經
詳情#
【蘋果日報】中電（002）噚日出咗份靚仔業績，同時宣佈委任年僅26歲嘅Philip Lawrence Kadoorie（可飛利）做非執董，一睇姓氏，就知道呢位哥仔係中電主席米高嘉道理個仔喇。
不言休 做到去世前一日
77歲嘅嘉道理有三名子女，今次細仔入局，似係鋪定慢慢長路，畀細仔熟知集團運作，佢本人就唔似想退休，事關佢舊年講過，爸爸Lawrence Kadoorie去世前一日仍照常上班，只要健康，佢都會繼續返工。
睇番公司通告，Philip波士頓大學傳理系畢業，持有直升機商用飛行員執照，舊年又喺北京清華完成高級普通話課程。佢之前喺中電同施羅德實習過。同時，佢係嘉道理父子有限公司董事，負責監管家族多項權益，接班人非佢莫屬，時間問題箒。
事實上，佢舊年已經被委任為集團同系上市公司大酒店（045）嘅非執董。
中電同時委任渣打香港前一姐陳秀梅（May Tan）做獨立非執董。兩位新董事，每年分別有55萬袍金，除開每月4.6萬，以非執董而言算係唔錯。陳秀梅坐埋另外幾個公司內部委員會，仲有額外酬金㖭。
中電噚日股價創新高見90蚊，又邀得猛人入局，真係可喜可賀。
李華華
mailto:LiWaWa@AppleDaily.com
李華華
LiWaWa@AppleDaily.com
不言休 做到去世前一日
77歲嘅嘉道理有三名子女，今次細仔入局，似係鋪定慢慢長路，畀細仔熟知集團運作，佢本人就唔似想退休，事關佢舊年講過，爸爸Lawrence Kadoorie去世前一日仍照常上班，只要健康，佢都會繼續返工。
睇番公司通告，Philip波士頓大學傳理系畢業，持有直升機商用飛行員執照，舊年又喺北京清華完成高級普通話課程。佢之前喺中電同施羅德實習過。同時，佢係嘉道理父子有限公司董事，負責監管家族多項權益，接班人非佢莫屬，時間問題箒。
事實上，佢舊年已經被委任為集團同系上市公司大酒店（045）嘅非執董。
中電同時委任渣打香港前一姐陳秀梅（May Tan）做獨立非執董。兩位新董事，每年分別有55萬袍金，除開每月4.6萬，以非執董而言算係唔錯。陳秀梅坐埋另外幾個公司內部委員會，仲有額外酬金㖭。
中電噚日股價創新高見90蚊，又邀得猛人入局，真係可喜可賀。
李華華
mailto:LiWaWa@AppleDaily.com
李華華
LiWaWa@AppleDaily.com
回應 (0)
